euskalkultura.eus

euskal diaspora eta kultura

Albisteak rss

Sara Pagolak Buenos Airesen Euskadiren ordezkari izateari utzi dio postu horretan 13 urtez aritu ondoren

2026/11/16

Sara Pagola Azpiri Euskadiko berdintasun politikak aurkezten Cordoban Emakumeen Eskualdez Gaindiko Lehen Topaketan (2023)
Sara Pagola Azpiri Euskadiko berdintasun politikak aurkezten Cordoban Emakumeen Eskualdez Gaindiko Lehen Topaketan (2023)

PUBLIZITATEA

Buenos Aires, Argentina. EHAA buletin ofizialak ostiralean, azaroaren 13an, eman zuen argitara Pradales lehendakariak sinatutako kargutik kentzeko dekretua, eta egun horretan bertan plazaratu zuen azkeneko 13 urteetan Buenos Aires egoitza izanik Euskadiren ordezkaria izan den Sara Pagolak bere azken agurra Argentinan eta Uruguain lagun, lankide eta txalupa bereko arraunetan ilusio- eta apustu-kide izan dituenei eskerrak emateko eta errekonozimendu mezua.

Hortik aurrera, sare sozialetan bateko eta besteko euskal etxe eta erakundeak esker oneko, aprezio eta agiantza oneko bideo, testu eta irudiak argitaratzen joan dira, eta seguruenik hala segituko dute aste honetan, tartean ikusi ditugula Mendozako Denak Bat, Pergaminoko Lagun Onak, Rosarioko Zazpirak Bat, Villa Mariako Euzko Etxea, La Platako Euzko Etxea, Comodoro Rivadaviako Euskal Echea, Macachingo Euzko Alkartasuna, eta beste hainbat.

Hona Sara Pagolak Instagramen zabaldu duen azken agur bideoa:

Sara Pagola Aizpiri 2013ko otsailean izendatu zuten (honela jaso zuen gure buletinak), momentu hartan Euskadiren ordezkari Argentina, Brasil, Paraguai eta Uruguaien, urte hauetan Ordezkaritzaren izena behin baino gehiagotan aldatu bada ere, tartean Argentina-Mercosurrerako Ordezkaritza edo egungo izena, Argentina eta Uruguairako Euskadiren Ordezkaritza. Agiantzarik onenak!



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia