Córdoba, Argentina . Euskadiren Argentina-Mercosurrerako ordezkari Sara Pagola Azpiri partaide izan da Cordoba hirian otsailaren 9 eta 10ean egindako Emakumeen Eskualdez Gaindiko Lehen Topaketan. "Emakumeak eta Gazteak Erabakiak Hartzeko Prozesuan Sartzeko Nazioarteko Lankidetza”ri buruzko foroan Euskadin landutako eta helburu dituen berdintasun politikak aurkeztu zituen ordezkariak.
«Berdintasunezko demokraziak eskualde mailan eraikiz» lelopean, 3.000 parte-hartzaile baino gehiago elkartu ziren eztabaida foroetan lankidetza eta elkarrekiko laguntza loturak sendotzeko eta genero arloko lan agendak eskualde-ikuspegiz eraikitzeko.
Cordobako Juan Schiaretti gobernadoreak inauguratu zuen jardueran genero eta berdintasun arloetako agintari eta erreferenteek hartu zuten parte, tokiko gobernuetako funtzionarioek baita Argentina, Uruguai, Bolivia, Paraguai, Txile, Brasil eta Peruko gobernuetakoek ere. Bertaratu ziren baita ere nazioarteko erakundeetako ordezkariak, diplomatikoak, enpresariak, merkatariak, ekintzaileak, nekazaritza produkzioko emakume baserritarrak eta migratzaileak, kirolariak eta lider gazteak.
Lagun bati bidali
Komentarioa gehitu
