euskalkultura.eus

Vitoria-Gasteiz. Agiri horretan esaten denez, Patxi Lopez lehendakaria Ameriketako Estatu Batuetako Ekialdeko Kostara misio batek egingo duen bidaiaren buru izango da udazkenean. Misioa hainbat euskal enpresen ordezkariek osatuko dute, Euskadiko erakunde eta ekonomia ordezkariekin eta Eusko Jaurlaritzako partaideekin batera.

Bidaia urriaren 13tik 21era bitartean gauzatuko da eta helburua biltzea eta bilerak izatea izango du bisitatuko dituzten gobernu federaleko eta estatuetako lehen mailako agintariekin, baita New Yorken eta Washingtonen egoitza duten Nazioarteko erakundeen goi mailako ordezkariekin ere.

Bidaiaren asmoen artean egongo da baita ere, euskal enpresen eta Ameriketako Ekialdeko Kostako enpresa-sarearen arteko harremanak areagotzea --euskal enpresa horietako asko buru baitira mundu mailan euren sektoretan-- eta bertako enpresen eta enpresa horien gaitasunen ezagutza erraztea; baita ere Euskadi herri erakargarri eta dinamiko gisa aurkezten duen irudia zabaltzea, besteak beste Euskadiko turismoaren eta sukaldaritzaren erakargarritasunaren berri emanez eta euskal kulturaren berezitasuna zabalduz.

Bidaia instituzional horren behin-behineko programaren arabera —lehendakariak Ameriketako Estatu Batuetara egiten duen bigarren bidaia da— Texas, Pennsylvania, Washington DC, New York eta Boston hiri eta estatuak bisitatuko dira.

Jarduera ekonomiko enpresarialez gain, harrera-ekitaldiak egingo zaizkio Washingtonen nahiz New Yorken bizi diren euskal eta espainiar komunitateei, adierazi dute Lehendakaritzatik, bidaian parte hartu duten enpresa eta erakunde ekonomikoak ere bertan direla.

Estatu Batuetako hiriburuan Euskadik bultzatzen duen ekonomia iraunkorrari buruzko jardunaldi bat antolatuko da, Garapenerako Inter Amerikar Bankuaren (GIB) egoitzan. Jardunaldi horren mahaietako batean hiru euskal hirik (Gasteiz, Bilbo eta Portugalete), hiri berroneratze lanetan daukaten eskarmentuaren alorrean berri emango dute, adierazi du Jaurlaritzak,