euskalkultura.eus

euskal diaspora eta kultura

Albisteak rss

Patxi Lopez lehendakaria buru egin zen atzo Gasteizen Euskal Gizataldeen Aholku Batzordearen bilera

2010/12/14

Atzo Gasteizen Lehendakaritzan egin zen Euskal Gizataldeen Aholku Batzordearen bilera (argazkia Irekia)
Atzo Gasteizen Lehendakaritzan egin zen Euskal Gizataldeen Aholku Batzordearen bilera (argazkia Irekia)

PUBLIZITATEA

Lehenengoz legealdi honetan, atzo bildu zen Gasteizko Lehendakaritzan Jaurlaritzaren Euskal Gizatalde gaietarako Aholku Batzordea, Lehendakariari arlo honetan aholku ematea xede duen organoa eta, Gobernuaren sailetako, Aldundietako eta bestelako instituzioetako ordezkariekin batera munduko euskal etxeetako hiru ordezkari biltzen dituen batzordea, besteak beste lau urtean behin egiten diren Euskal Gizataldeen Mundu Kongresuetan hartutako erabaki eta gomendioen segimendua egitea helburu duena. Patxi Lopezek bildutakoei Jaurlaritza krisi garain honetan euskal etxeen eta munduko euskaldunen alde egiten ari den ahalegina azpimarratu zien.

Vitoria-Gasteiz. Administrazioaren izenean Aholku Batzordeko kide diren ordezkariak berrituta, atzo bildu zen lehenengo aldiz Patxi Lopez lehendakaria denez geroz Euskal Gizataldeetako Aholku Batzordea, Lehendakaria bera buru eta ezker-eskuin Guillermo Echenique Kanpo Harremanetarako idazkari nagusia eta Julian Celaya Kanpoko Euskal Herritar eta Gizataldeetarako zuzendaria zeuzkala, Patxi Lopezek eta Jaurlaritzaren ordezkariek euskal gobernuak kanpo politika eta euskal etxeekiko harremanen arloan daraman politika azaldu zuten, Lehendakariak azpimarratu zuelarik bera buru duen exektutiboa egiten ari den ahalegina "munduko euskaldunekiko loturei eutsi eta munduko euskaldunei batzen gaituzten loturak sostengatzen".

Mahaigaineratu ziren, besteak beste, aurreko Euskal Gizataldeen Mundu Kongresuan finkatutako Lau Urterako Plana eta zein neurritan ari den betetzen, aurkeztu zen Lopezen Administrazioak euskal etxeekiko eta kanpoan diren herritarrekiko daraman politika, orain artean Jaurlaritzal ofizialki onetsi dituen bederatzi euskal etxe berriak aipatu ziren, baita Estatu Batuetan aurtengo otsailean New Yorken Jaurlaritza sostengatzaile aktibo inauguratu zen Euskal Herria eta euskal emigrazioari buruzko erakuskera adierazgarria, Bilbon joan den irailean hau ere Kanpoko Euskal Herritar eta Gizataldeekiko Zuzendaritza antolatzaile egin zen AEMIren batzarra, eta datorren urterako, Donostiako Kursaalen egiteko prestatzen ari den Euskal Gizataldeen V. Mundu Biltzarra.

Bilerarako propio etorri ziren Diasporatik munduko euskaldunek bertan batzordekide dauzkaten hiru ordezkariak, hala nola, Argentinatik Carlos Sosa, Bahia Blancako Euskal Etxekoa; Estatu Batuetatik Xabier Berrueta, San Frantziskoko Euskal Etxekoa; eta Espainiatik Jon Zaballa, Madrilgo Euskal Etxekoa.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia