euskalkultura.eus

euskal diaspora eta kultura

Albisteak rss

Patxi Lopez lehendakariaren Estatu Batuetarako bisitaren argazki kronika: Kalifornia eta Idaho (II)

2010/08/05

Ezker-eskuin erdian: Begoña Gil, lehendakariaren emaztea; Lopez lehendakaria; Etchemendy provost-a; Michelle Alzola, itzultzailea; Guillermo Echenique, Kanpo Harremanetarako idazkari nagusia, Stanford Unibertsitatera iristen (argazkia EuskalKultura.com)
Ezker-eskuin erdian: Begoña Gil, lehendakariaren emaztea; Lopez lehendakaria; Etchemendy provost-a; Michelle Alzola, itzultzailea; Guillermo Echenique, Kanpo Harremanetarako idazkari nagusia, Stanford Unibertsitatera iristen (argazkia EuskalKultura.com)

PUBLIZITATEA

Lopez lehendakaria buru duen euskal ordezkaritzak uztailaren 28a izan zuen bere azken eguna Kalifornian, Idahora abiatu aurretik, AEBetara egiten ari den ostera ofizialean. San Frantziskotik Google-n egoitza bisitatu du Silicon Valley-n, eta bertatik atera gabe, Menlo Park-en SLAC laboratorioa. Bertotik Stanford Unibertsitateko gune nagusira joanik, goi ikastetxe horretako Etchemendy provost-ak (errektorearen pareko kargua) errezibitu ditu, ondoren, besteak beste, CARS ekimena bisitatzeko eta langau dauzkaten auto prototipo zenbait ikusi eta 'dastatzeko'. Arratsaldeko azken zatian, low cost motako hegaldia San Jose aireportuan hartu eta Boisera iritsi dira.

San Frantzisko, Estatu Batuak. Uztailaren 28a, asteazkena, Lehendakaria buru duen ordezkaritzak Kaliforniako lurretan eman zuen azkena izan zen. Egun horretan San Frantziskotik Google-n egoitzara, Silicon Valleyra mugitu ziren. Patxi Lopezek ez zuen aukerarik galdu bera erabiltzaile den Twitter sare sozialaren egoitza ere bisitatzeko, eta bertan bere burua atzealdean Twitter hitzak zeuzkala fotografiatzeko, ondoren argazkia sarean jartzeko.

Lehendakaria eta delegazioko partaideak interesa agertu zuten bertan gauzatzen duten lan-sistema irekiaz, sormena, ekimena eta langileen partaidetasuna suspertzen baitira. Enpresaren instalazioek dauzkaten baliabideen artean, soinketa-aretoak daude, voley-ko zelai artifizialak eta indar igerleku bat (non lekutik mugitu gabe igeri egin daitekeen, korrika egiteko zinta baten gisan, baina uretan), esaterako, langileak, behar dutenean, lan egin aurretik, bitartean edo ondoren tentsioak deskargagarri erabil ditzaten. Bertan adierazi zenez, astean behin bilera orokor ireki bat egiten da, brainstorming edo ideia-jaurtiketa gisa, bertara proposamenak isuri eta plazaratu eta entzun eta jasotzen direla, ondoren enpresaren garapenean erabil daitezkeelakoan.

[SEGITUKO]

 

 



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia