euskalkultura.eus

Buenos Aires, Argentina. Argentinako Universidad Vasca de Verano delakoak antolatuta eta Carlos Alberto Gabilondo prestatzaile eta aurkezle, saioak Kongresuko Liburutegiko Leonardo Favio Auditoriumean (Alsina 1835) egingo dira, sarrera libre eta doain. Elkarte antolatzaileak deia zabaldu nahi izan du zinemazaleak eta euskaltzaleak oro har bertara daitezen " izenburu ederrak baitira, zinez ederra den auditorium batean emanak gainera".

Saioak asteartero izango dira, arratsaldeko 6:30etan, bihartik hasita eta urriaren 2a bitartean, honako egitarauaren arabera:

Asteartea, irailaren 11ean

“Secretos del corazón” (1997) zuzendaria: Montxo Armendariz. Atzerritar filmarik onenaren sariarako izendatua, urte hartako euskal filmarik onena hautatua. Lau Goya sariren irabazle. Antzezleak: Carmelo Gómez (osaba), Charo López (Maria), Silvia Munt (ama), Vicky Peña (Rosa), Andoni Erburu (Javi), Álvaro Nagore (Juan Zabalza), Iñigo Garcés (Carlos), Joan Vallés (aitona), Joan Dalmau (Benito), Chete Lera (Ricardo), Manolo Monje (Don Bautista), José María Asín (Don Alejandro), Carlos Salaberri (bedela), Raquel Sanchís (Carmen), Goyo González (eskolako zuzendaria), Javier Fernández (Juanen laguna), Olaia Ezker (Julia), Laura Rico (Pili), José Manuel Acosta (Gutiérrez).  Iraupena: ordubete eta 40 minutu.

Asteartea, irailaren 18an

“Vacas” (1991) zuzendaria: Julio Medem. Antzezleak; Emma Suárez (Cristina), Carmelo Gómez (Manuel, Ignacio eta Peru Irigibel), Ana Torrent (Catalina), Karra Elejalde (Ilegorri/Lucas), Klara Badiola (Madalen), Txema Blasco (Manuel), Kandido Uranga (Carmelo/Juan), Pilar Bardem (Paulina), Ramón Barea (epailea).  Iraupena: ordubere eta 30 minutu.

Asteartea, irailaren 25ean

“Alas de Mariposa” (1991) zuzendaria: Juanma Bajo Ulloa. Donostiako Urrezko Maskorra bereganatu zuen. Antzeleak:: Silvia Munt (Carmen), Fernando Valverde (Gabriel), Susana García Diez (Ami), Laura Vaquero (Ami haurra), Txema Blasco (Aitona), Alberto Martín Aranaga (Gorka). Iraupena: ordubete eta 40 minutu.

Asteartea, irailaren 2an

“Ama Lur” (1968). Dokumentala. Gidoia: Nestor Basterretxea eta Fernando Larruquert. Euskal Herriari buruzko filma, frankismopean errodatua eta zentsurarekin arazo handiak izan zituena. Euskal filmagintzako izenburu klasikoa. Iraupena: ordubete eta 30 minutu.

Urriaren 2an, Mintegiko azken egunarekin batera, filmaren emanaldia hasi aurretik, seietan, aurkezpen ekitaldi bat izango da eta UVVk urtero bere ikasleen lanekin plazaratzen duen liburuaren 2012ko edizioa aurkeztuko du. Aldi berean, 2009an hasi zenetik atera dituen liburu guztien ale bana emango dio Kongresuko Liburutegiari.