euskalkultura.eus

Tres Lomas, Argentina. Udako Euskal Unibertsitateak helburu eta xede euskal kultura zabaltzea badu, bere asmoa betetzen ari da dudarik gabe. Proiektuak, eta horrelaxe dio izenean, ikastaroak emateko, Argentinako uda eta oporraldia aprobetxatzea asmo badu ere, gaur eta biharkoarekin salbuespen bat egingo dute antolatzaileek eta Buenos Aires probintziako Tres Lomas herrian bi eguneko kurtso bat emango dute.

Jardunaldiari hasiera emateko ardura Enrique Aramburu Unibertsitateko koordinatzailearena izango da. Gaur, arratsaldeko 17:45etan, Aramburuk Udako Euskal Unibertsitatearen aurkezpena egingo du. Ondoren gauzatuko den egitaraua hauxe da:

Gaur, ostirala, irailaren 17an:

18:00etan: "Euskaldunen Misterio", Mikel Ezkerro.
19:00etan: "Euskal Herriaren jatorria", Jorge Beramendi.
20:00etan: "Euskal Historia", Pedro Beramendi.

Bihar, larunbata, irailaren 18an

10:00etan: "Euskal Herriko Hegoaldea eta bere egileak", Carlos Irisarri.
11:00etan: "Hautesle euskaldun argentinarra Euskadiko azken hauteskundeetan”, Jorge Otaño Piñero.
12:00etan: "Euskaldunen jarduera Argentinan", Mikel Ezkerro.

Ikastaroa Udaletxeko Mikro Zinean izango da, sarrera, doan. Tres Lomas herriko Graciela Arrieta andrea da ekitaldia antolatzailea, eta Udaletxetik EuskalKultura.com-i esan zaionaren arabera, ikastaroa hasteko bezperan 30 partaidek emana zuten harrez gero izena, herrikoak baita inguruko herrietakoak ere.