euskalkultura.eus

Laprida, Argentina. Javier Ibaldo tenore euskal-argentinarra, Natalia María Petrelli sopranoa eta Mariana Ficher pianojolearekin batera, Gala Liriko baten protagonistak izan ziren joan den irailaren 4an Laprida herrian. Immigrantearen eguna ospatze aldera, hirukoteak jatorri askotako kanta sorta polita abestu zuten, 250 bat pertsonaren aurrean.

Programari jarraituz, musikariek Penella Moreno-ren “Dón Gil de Alcalá” eta “Todas  las  mañanitas”; Puccini-ren “Gianni  Schicchi”, “O mio bambino caro”; eta “La  Boheme: Vals de Muzetta”; De Curtis-en “Torna surriento”; Moreno Torroba-ren “Luisa  Fernanda (Mazurca de las sombrillas)” eta “Luisa Fernanda, Ay! mi morena”; Di Capua-ren “O sole mio”; Offenbach-en “Les contes d' Hoffman: Barcarolle”; Montesinos eta Padilla-ren “La violetera”; Mozart-en “Don Giovanni La Ci  Darem la  mano”; Lloyd Webber-en “Cats, Memories”; Sorozabal-en “La tabernera del puerto” eta “No puede ser”; eta Javier Schubert-en “Ave Maria”.

[Javier Omar Ibaldo Arrondok Bigarren Mendeurrenaren Batzordeko domina jaso du]

Javier Ibaldo tenorrari dagokionez, Berissoko Arte Eskolan eta La Platako Arte Ederretako Fakultatean ikasi zuela aipatu behar da. “Voces Oscuras” taldeko kidea izateaz gain, zarzuela bat baino gehiagotan hartu zuen parte. Betidanik oso lotura estua izan zuen Ibaldok bere sustrai euskaldunekin. Izan ere Lagunen Etxea Euskal Etxeko sortzaileetako bat da eta txikitan dantzari izan zen (Ester Arrondoren semea izateaz gainera).