Lapridako 'Lagunen Etxea'k zenbait ekimen gauzatuko ditu asteburuan Bigarren Mendeurrenaren karietara

2010/05/21

Lapridako Euskal Etxearen eta bere baitan sortu zen Arturo Campion Ikasketa Zentroko ikur eta adierazgarriak (irudia EuskalKultura.com)

PUBLIZITATEA

Argentinako beste hainbat herritan bezala, Lapridan ere Euskal Etxea Bigarren Mendeurreneko Batzordeko kide da, bertako beste hainbat erakunderekin batera. Datorren igandean, astelehenean eta asteartean egitarau osatua prestatu dute Lapridan,25eko data berezi honen oroigarri. Igandean Pilota Paleta Azpibatzordeak eraturik, paella razioak salduko dira, sukaldaritza eta salmenta arduradun Eduardo Martín eta Alejandro Eyherabide . Astelehenean, maiatzaren 24ean euskaldunen historia argentinarrari buruzko erakusketa zabalduko da eta maiatzaren 25ean zenbait ekitaldi egingo dira, Tedeum batek hasiera emango dielarik ekitaldiei, adierazi du Lapridatik Maria Ester Arrondok.