Laprida, Argentina. Lapridako 'Lagunen Etxea' Euskal Etxeko 'Eusko Txokoa' Liburutegiko arduraduna den Ester Arrondok argitu duenez, bere seigarren edizioan den lehiaketa hau Euskal Etxearen urteurrena ospatzeko --19 urte aurten-- eta Euskararen Nazioarteko Eguna ospatzeko eratua da.
Hauek dira aurtengo galderak:
1.- XX mendeko euskal poeta, 'Nire aitaren etxea' idatzi zuen
2.- Emakume santu, birgin eta martiria, otsailaren 5a da bere eguna
3.- Zer esan nahi dute euskeraz: hola, buenos días, tardes, noches
4.- Guregandik urtekariaren 4. alean idatzi duten bost autoreren deiturak
5.- Euskal Autonomi Erkidegoko hiriburua
6.- Hiru euskal futbol talderen izenak
7.- Zein urtean onetsi zen Gernikako Autonomi Estatutua
8.- Nola esaten da gaztelaniaz 'beti gazte'
9.- La Platako Euskal Aste Nazionalean kantatu zuen euskal taldea
10.- Agenda21 eko Lapridako EEko titulua
Gaur da erantzunak bidaltzeko azkeneko epea, beraz fite edo azkar bazabiltza garaiz zaude oraindik. Erantzunak e-mailez bidlatzeko, egin ezazu helbide honetara: cvlagunenetxea@laprida.net edo, posta arruntez, idatzi hona: Avenida Pedro Pereyra 1418 (7414) Laprida, Provincia de Buenos Aires, Argentina.
Sariak liburuak izango dira, honako hiru kategoriatan sailkatuta: A, haur eta nerabe aurrekoak; B, nerabe eta gazteak (bigarren eskola ziklokoak); C, helduak.
Ekimen honetan parte hartzeko gonbidapen berezia egin zaie adin guztietako pertsonei. Parte hartu nahi, baina erantzunen bat ez badakizu seguruenik aise topatuko duzu interneten. Izan zorte on!
Lagun bati bidali
Komentarioa gehitu
