euskalkultura.eus

euskal diaspora eta kultura

Albisteak rss

Gaur arratsaldean zabalduko da Txileko Viña del Mar-en 'Euskadi, gure arbasoen lurra' arte erakusketa

2009/09/23

Erakusketako katalogoko irudia
Erakusketako katalogoko irudia

PUBLIZITATEA

Zortzi emakume margolari eta zizelkari euskal-txiletarren lanek osatzen dute gaur arratsaldeko zazpietan Txileko Viña del Mar-eko Carrasco Jauregian egoitza duen Kultura Etxean zabalduko den 'Euskadi, gure arbasoen lurra, la tierra de nuestros antepasados' erakusketa. Viña del Mar-ko Udala eta bertako Eusko Etxea antolatzaile, eta Kultura eta Arteen Kontseilu Nazionala laguntzaile, lanak urriaren 7ra arte egongo dira ikusgai. Honako artistak dira partaide ekimenean: Nelly Aorostizaga Calderon, Ana Maria Canala Echevarria, Beatriz Cruzat Rioseco, Mónica Gonzalez Arrieta, Lucy Lafuente Indo, Itziar Mondragon Martinez, Laura Rojas Zubieta eta Maria Luisa Sainz Aguirrezabal.

Viña del Mar, Txile. 'Euskadi, gure arbasoen lurra, la tierra de nuestros ancestros' erakusketak 24 lan biltzen ditu orotara --20 margo eta 4 zizelketa-- euskal jatorria daukaten zortzi emakume artistek eginak. Euren izenak: Nelly Aorostizaga (sic) Calderon, Ana Maria Canala Echevarria, Beatriz Cruzat Rioseco, Mónica Gonzalez Arrieta, Lucy Lafuente Indo, Itziar Mondragon Martinez, Laura Rojas Zubieta eta Maria Luisa Sainz Aguirrezabal.

Archibaldo Uriarte, Bosgarren Erregio Txiletarreko Eusko Etxeako lehendakariak azaltzen duenez, "erakusketa egiteko ideia gure guraso, aiton-amon eta abarrak jaio ziren lurreko paisaiak, ohiturak, identitateak eta oroitzapenak jaregin, interpretatu eta erakusteko beharretik hasi zen".

Euskal ekarpena Bigarren Mendeurrenera

"Hori guztia zehazten eta gauzatzen joan da geure gizataldeko artista multzo bat partaide, hasieratik artearekiko zaletasuna lokarri izan baitute, baina Euskadirekiko, euskal familia, eta geure tradizio eta kulturarekiko maitasunarekin elkarbanatua".

"Horren emaitza da erakusketa hau. Bertan ikus daitezke "mendi berdeak, herriak eta baserriak, ermitak, zelaiak eta itsasoak, sustraien tradizioen eta kulturaren memoria garaikidea. Valparaiso-Viñako Euskal Gizataldearen ekarpentzat har daiteke Bigarren Mendurrenarekiko", laburbiltzen du Uriartek, aukera baliatuz eskerrak emateko "Viña del Mar-eko Udalari eta bere alkate Virginia Reginatori" erakusketara ekarri dion laguntzarengatik; eta baita ere Eusko Etxea-ko zuzendaritzako kide den Maria Luisa Sainz Aguirrezabal-i, eta geure artistei", eurei esker gauzatu ahal izan baita ekimen hau.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia