euskalkultura.eus

euskal diaspora eta kultura

Albisteak rss

Ikurrinak eta euskal dantzak, Gure Txokoa-ko gazteen eskutik, 'Mundu guztia Alta Gracian' 2013 jaialdian

2013/02/18

Cordobatarrak taldeko dantzariek kalejira batez eman zioten azken agurra 2013ko 'Mundu guztia Alta Gracian' jaialdiari (argazkiaEE)
Cordobatarrak taldeko dantzariek kalejira batez eman zioten azken agurra 2013ko 'Mundu guztia Alta Gracian' jaialdiari (argazkiaEE)

PUBLIZITATEA

'Mundu guztia Alta Gracian' bertako Gizataldeen Jaiaren leloa baino gehiago da. Izan ere, ahalegin handia egiten dute herriko udalak eta jendeak metafora egiazki gauza dadin. Izan ere Alta Graciako eta eskualde osoko kolektibitateak oro gonbidatuta daude urtero jaialdi honetan parte hartzera, bakoitza bere altxor preziatu eta berezkoenekin ager dadin, musika eta dantzak, jantzi eta banderak, janariak eta usainak tartean. Euskal kolektibitatea ere elkarretaratze erraldoi honen protagonista izan da eta, Cordoba hiriburuko Gure Etxea Euskal Etxeko dantzariak ordezkari, bere egin zuen jaialdiko oholtza nagusian.

Alta Gracia, Cordoba, Argentina. 'Mundu guztia Alta Gracian' izenpean urtero Alta Gracia hiri 'serrano' argentinar honetan antolatzen den jaialdiak bere 26. edizioa bete berri du otsailaren 1etik 9ra, arrakastatsu, ohi bezala, udako opor giroa baliatuz eta Cordoba probintziako mendixkek biltzen duten turista andana ere helmuga. Aurreko urteetako ildoari jarraiki, gizataldeetako ordezkariekin batera, ekimenak izen handiko artista anitz bildu zituen zituzten horretarako prestatutako bi agertokietan.  Publikoari dagokionez, antolatzaileek balantze ona baino hobea egiten dute, hogei milatik gora lagunek bisitatu baitzuten festa gunea.

Eta Alta Graciara "mundu guztia" deitua zegoenez, euskaldunek ez zioten deiari muzin egin eta beste urte batez euren dantza, kolore, gaztetasun eta ilusioa bizkarrean bertaratu ziren, Cordobako Gure Txokoa Euskal Etxeko kideak medio. Eta ondo asko bete zuten xedea euskal erakundeko gazteek taulen gainean, antolatzaileen iturrietatik adierazi zaigunez.

'Mundu guztia Alta Gracian' 2013 01

[Alta Graciako jaialdian parte hartu zuen Gure Txokoa-ko ordezkaritza (argazkiaEE)]

 ‘Cordobatarrak’ dantza taldearen emanaldia otsailaren 8an izan zen agertoki nagusian. Villa Mariako Euzko Etxea-ko dantzari batzuk ere lagun, Euskal Herriko dantza erakusketa polita eskaini zioten hitzordura bildutako jendeari. Aurkezpena ‘Agurra’rekin hasi zen eta ondoren ‘Arku Dantza’, ‘Suletino’, ‘Fandango’ eta ‘Arin Arin’ interpretatu zituzten. 

Saioari amaiera emateko, berriz, ‘Kalejira’ dantzatu zuten neska-mutil euskaldunek. Aipatzekoa da oihartzun zabala duen jai hau telebistaraino ere iritsi zela eta Cordobatarrak-en emanaldia, 12. kateak transmititu zueka, probintzia osorako.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia