Arantzazu Amezaga: "Historiako atal handiak berreskuratu behar ditugu, memoria ukatu baitigute"

2011/02/16

Arantzazu Amezaga (argazkia Josemari Velez de Mendizabal-Euskonews)

PUBLIZITATEA

Diasporako euskaldunak aipatzen ditugunean, zalantzarik ez dugu eurak Euskal Herriko parte direla. Artikulu honetan aipatzen dugun Arantzazu Amezagaren kasuan, ezaguna da oso bere ibilbidea --geografikoa zein bizitzan zehar garatu duena-- eta han-hemenka utzi dituen emaitzak. Diaspora, bere kasuan, familiaren eta senarren aldetik ere haren familiaren aldetik datorkio, Diasporako alaba, emaztea, ama eta amatxi baita. Argentinan sortua, lotura sakonak dauzka Uruguai eta Venezuelarekin, eta, bistan da, baita Euskal Herriarekin ere, urteak baitira 'itzuli' zela eta egun Nafarroatik garatzen baitu bere ekimena.

Iruñea, Nafarroa. 36ko gerlak Ameriketara bultzatutako gurasoen alaba, euskal giroak inguratuta jaio zen Argentinan Arantzazu Amezaga. Bertan jaioa, baina begirada eta planak Euskal Herriari begira antolatuak. Bere aita Venezuelan hil zen, Euskal Herrira itzultzeko aukerarik gabe, eta amak, aldiz, gauzatu ahal izan zuen hainbat hamarkadatan amets eta bizitzako indar-emaile zeukaten euskalerriratzeko gogoa eta esperantza hura.

Notaritza lana, eta berak familian eta inguruan, Diasporari arras lotua bizi izan zuen eskarmentua eta bizitza, oro har, papereratu eta hainbat libururen bidez plazaratu du azken urteotan, hamaika euskal herritarrek Europatik kanpo bizi izandako euskal historia eta euskal istorioak eskuragarri ipiniz bestela ezagutzeko aukera ez zeukatenentzat.

EuskalKultura.com-en bertan aipatu izan ditugu bere lanak eta obrak. Oraingoan, berriz, Gara egunkariak gaztelaniaz argitaratu duen berarekin egindako elkarrizketa baten aipua egin nahi dugu hemen. Kazetaria Fermin Munarriz izan da eta testu osoa jatorrizko bertsioan irakurri nahi duenak hemen egin dezake.

-Josemari Velez de Mendizabalek Euskonews-en orain bi hilabete egin zion elkarrizketa: www.euskonews.com/0558zbk/elkar_eu.html