euskalkultura.eus

Paraná, Argentina. Heriotza atzo goizaldean gertatu zen Paranán. Raul Alcain, Paranáko Presencia Vasca izeneko irratsaioko sortzailea, eta urte askotan bertako euskal komunitateko buruzagi, hiriburu entrerriostarreko familia euskaltzale eta euskal komunitatearekin arras engaiatutako bateko buru eta patriarka zen. Izan ere, bere seme-alaba, biloba eta berbilobak ere euskal komunitateko partaide aktiboak dira. Historikoki, Ibai Guren Euskal Etxeko kide izan dira eta 2000.ean Urrundik Euskal Etxea sortu zenetik, Paranáko bigarren euskal etxe honetako kide eta zuzendari.

Raul Alcain Ibai Guren Euskal Etxeko birsortzeko buruzagietarik izan zen 1985ean, euskal etxea 70eko hamarkadan bolada batez desagertu ondoren, eta etapa berriko lehenengo lehendakaria izan zen; geroago ohorezko lehendakari izendatu zuen Ibai Gurenek biltzar nagusi batean.

1987an, bere alaba Laurarekin batera Euskal Herrira bidaiatu zen Euskal II. Mundu Biltzarrean parte hartu zuen ordezkaritza argentinarreko kide gisa.

Paranáko Urrundik euskal elkartea sortu zenean, 2000.ean bertako bazkide sortzaile izan zen eta geroztik partaide aktibo izan da, bertara bildu zelarik bere familia osoa, tartean seme-alabak eta bilobak. Oraino tipiak badira ere bere berbiloben belaunaldia ere euskal etxe eta euskal giro horretan sortu eta hazia da.

Bere gorpua Sasfer-en (Urquiza 431) bailatua izaten ari da, lehenengo aretoan, eta gaur asteartea, abuztuaren 18a izango da erraustua, goizeko hamaiketan, Paranáko Udal Hilerrian. Goian Bego.