euskalkultura.eus

Bordele, Frantzia. Bordeleko Euskal Etxea oporretan dago jada, baina elkarteko kideek urte berriko lehen ekintza izango dena prest dute jada: urtarrilaren 9an Olentzero etorriko da Eskualdunen Biltzarra elkartera eta opariak banatuko ditu haurren artean.

Euskal Etxeko David Mugica bazkideak azaldu digunez eguna 12:00etan hasiko da, urtero egiten duten Adinekoen bazkariarekin. 'Urte guziz bezalaxe, elkarteak bazkaria eskaintzen die adineko bazkideei' eta '15:00etatik goiti: Eguberriko ipuinak entzun ahal izango ditugu Eskual Herritik etorriko zaigun Xan Errotabehererekin. Gero krakada haurrentzat eta Olentzerok ekarriko dizkie opariak', azaltzen du.

Horrez gain, elkarteak urtarrilaren 30ean egingo du urteko lehen bilkura, Biltzar Nagusia zehazki, eta bertan urteko balioespena egin eta 2011eko proiektuak finkatuko dituzte.