euskalkultura.eus

Buenos Aires, Argentina. Iker eta Aitor, bizkiak dira eta joan den irailean jaio ziren La Platan. Pertsonen Probintzi Erregistroan, Tolosako Ordezkaritzan [Tolosa (sic) La Plata aldamenean dagoen hiri bat da, La Platako partiduko parte dena] inskribatu zituzten. Gurasoek, Jimena eta Ciro, azaldu dute "bi izenok Nazio Erregistroan bildurik daudela, beraz ez genuen arazorik izan. Izen horiek ezartzea erabaki genuen biok euskal jatorrikoak garelako eta izen originalak nahi genituelako, are gehiago bi izango zirela jakin genuenean".

Gero etorri zein esangura zuten galdetzearena. "Birramonak (Azulgo Euskal Etxeko kide denak, Buenos Aires probintzian baita ere) utzi zigun liburu bat baliatuz egin genuen, hor irakurri genuen Aitor Euskal Populuaren aitalehena izan zela eta zazpi haur izan zituela, eta euretako bakoitzak probintzia bat sortu zuela. Iker izenak 'berri onen ekarle' nahi du esan eta kointzidentziaz aurten Espainian gehien erabili den izenetako bat izan da, txapeldun izan zen futbol selekzioko atezainak Iker Casillas baitu izena", azaldu diote hunkituta gurasoek Buenos Airesko Diario Popular egunkariari.