euskalkultura.eus

Bogota, Kolonbia. Eusko Jaurlartitzaren Kolonbia, Venezuela eta Ertamerikarako Ordezkariak bere Bogotako egoitzan hartu zuen herenegun Bidasoa Activako teknikariaden Maria Zabal. Bileran Zabalek elkartea Kolonbian sustatzen ari den kooperazio ekintzen berri eman zion: alde batetik, Ciudad Bolivarren trebakuntza ikasgela bat egin nahi dute, Minuto de Dios Unibertsitate kolonbiarrarekin lankidetzan, eta bestalde Bogota hiriaren garapen ekonomikoari buruzko ikerketa bat egingo dute.

Arlo berean, joan den asteartean, azaroaren 2an, Iñaki Martinezek bilera izan zuen Kolonbiako gobernuaren Gizarte Ekintza saileko zuzendariordearekin, Ricardo Melorekin, eta Faride Sierra aholkulariarekin. Bileran datozen hilabeteetan herrialde honetan egingo diren hainbat kooperazio ekimenetan kolaboratzeko pausoak adostu zituzten.

Sariak euskal dokumentalei

Azkenik, eta azaroaren 2an baita ere, Bogotako 27. Nazioarteko Zinema Jaialdian, bi euskal filmek arteari buruzko dokumental onenaren saria jaso zuten: Juanma Bajo Ulloaren 'Historia de una banda de rock' zintak eta Igor Iglesiasen 'Tom zé el astronauta libertado' lanak. Zuzendariek ezin izan zuten jaialdiaren itxiera ekitaldian egon eta euren ordez sariak jaso zituzten Iñaki Martínez Ordezkariak eta Amparo Lopez, Jaurlaritzako Trafiko zuzendariak (Bogotan zen mintegi batean parte hartzen).