euskalkultura.eus

euskal diaspora eta kultura

Albisteak rss

HABEren Euskara Munduan-ek 75 euskal etxetan euskara eskolak sustatuko ditu 2012/2013 ikasturtean

2012/12/04

Unai Sanchez Doral, Murtziako Euskal Etxeko presidentea, eta Iñaki Uribe, HABEko zuzendaria, hitzarmena sinatu ostean (argazkia HABE)
Unai Sanchez Doral, Murtziako Euskal Etxeko presidentea, eta Iñaki Uribe, HABEko zuzendaria, hitzarmena sinatu ostean (argazkia HABE)

PUBLIZITATEA

HABEk itxi berria du Euskal Etxeetako euskara-eskolak diruz laguntzeko deialdia eta 2012/2013 ikasturtean 75 elkartetan euskara eskolak emango direla iragarri du. Laguntza horien bitartez 22.000 eskola-ordu baino gehiago emango dira eta 2.000 ikasle heldu inguru arituko dira euskara ikasten zentro horietan. Horiekin batera, 1.000 umetik gora aritzen da eremu horretan euskara ikasten. Orotara, ikasturte honetan 230.000€ banatuko ditu HABEk Euskal Etxeen artean, Euskara Munduan programaren baitan, adierazi dute erakundetik. Bestalde, euskal etxe berri bat gehitu zaio aurten programari: Vancouverreko Zazpiak Bat Basque Society, Kanadan.

Donostia-San Sebastian. HABEk, Euskara Munduan programaren baitan, 2012/13 ikasturtean Euskal Etxeetako euskara-eskolak diruz laguntzeko deialdia itxi berri du. Deialdiaren ondorioaz, ikasturte honetan 28 lankidetza-hitzarmen sinatuko ditu HABEk beste hainbeste Euskal Etxe eta Federakuntzekin.

Iñaki Uribe, HABEko zuzendari nagusiaren hitzetan, “jaso ditugun ordu-eskari guztiak onartu ditugu aurten. Azken urteotan, guztiok ezagutzen ditugun aurrekontu arazoak direla-eta, ezin izan da kopurua igo, baina murrizketarik gabe mantendu da. Gaur egun, urteroko jarduera mantentzea da helburua, izan ere, igotzeko baliabide ekonomikorik ez dugu, oraingoz”.

Hitzarmen-sinadurak

Azaroaren hondarrean Murtziako, Valentziako eta Quart de Poblet-eko (Valentziako) euskal etxeko ordezkariekin bildu zen Uribe, lankidetza-hitzarmenak sinatzeko. Iñaki Uribek eta Kinku Zinkunegi programaren teknikari arduradunak Murtzia eta Valentziako Euskal Etxeak bisitatu zituzten Euskara Munduan programaren jarraipena egiteko eta azaroaren 27an Murtziako Euskal Etxean, 28an Quart de Poblet-eko Euskaltzaleok-en eta 29an Valentziako Centro Vasco Navarro-n izan zituzten jarraipen bilerak.

HABE Valentzia Euskaltzaleok 2012

[Valentziako Euskaltzaleok elkarteko zuzendaritzarekin bilduta HABEko Kinku Zinkunegi eta Iñaki Uribe (argazkia HABE)]

Murtzian, Iñaki Uribe eta Unai Sánchez bertako Euskal Etxeko lehendakariak sinatu zutenhitzarmena. Quart de Poblet-en German Eiguren Euskaltzaleok-eko lehendakariarekin sinatu zuen hitzarmena azaroaren 28an eta 29an Juan Jose Dorronsoro Valentziako Centro Vasco Navarro-ko lehendakari berriarekin.



Komentarioak

  • Kinku Zinkunegi jaunarekin harremanetan sartu nahian

    Kaixo, Azken 30 urteotan, ipuin kontalari bezala banabil euskal herrian gaindi euskaraz eta, gure herritik kanpo, frankofonian zehar, frantsesez. Nire sorkuntza eta ikuskizun lana, publiko gazte eta helduari zuzentzen diot batezere, antzoki, liburutegi, kulturetxe, euskaltegietan aurkeztuz,... Eta horra beraz zerk ekartzen nauen zuregana : ideia bat gogora jin zaidalako orain dela zenbait egun, hau zuri aipatzeko eta elkarrekin komentatzeko asmotan,horra zergatik zurekin harremanetan sartu nahi nukeen. Nire mezutxo honi erantzuteko, gogoa eta tartetxo bat izango duzulakoan, Eta honen zain nagola, aurretik eskertzen zaitut. Adeitasunez, Nire agurrik bizienekin, Koldo Amestoy

    Koldo Amestoy, 2014/04/16 16:34

« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia