'Zinema euskaraz': Gabonetan 43 filme euskaraz ikusteko aukera streaming bidez eta doan interneten

2011/12/29

'Olentzero eta subilaren lapurreta' da filme berrietako bat. Horrez gain, drama, komedia, dokumentalak... bada zer aukeratu!

PUBLIZITATEA

Eusko Jaurlaritzak sustatzen duen 'Zinema Euskaraz' ekimenaren barruan Kulturklik.com webgunean euskarazko film zerrenda luze bat jarri da eskuragarri. Nahi duenak luzemetraia bakoitzaren izenburuan klik egin eta filme hori ordenagailuan ikusi ahal izango du, streaming bidez eta doan, eta, esaterako, bere euskal etxean eskaini. Filma ezin da jaitsi, zuzenean webgunetik ikusi behar da. Iaz abiatu zen kanpaina honi 13 izenburu emendatu zaizkio aurten, tartean '80 egunean', 'Arriya', 'Izarren Argia' edo 'Olentzero eta oparien ordua' eta 'Amerikanuak' dokumentala.

Vitoria-Gasteiz. 'Zinema euskaraz' programaren barruan sarean euskarazko filmak doan ikusteko aukera dago aurtengo Gabonetan ere, Eusko Jaurlaritzak Kulturklik.com webgunean jarri dituen 43 luzemetraiei esker.

Filma bakoitza ikusteko nahikoa da zerrendan izenburu bat aukeratzea eta klik egitea. Sistemak film horren atalera eramango gaitu, luzemetraiari buruzko informazio gehiago emanez: laburpena, zuzendaria, aktoreak, ekoizpen-data... Ondoren 'Ikusi filma' izeneko loturan klik egitea nahikoa izango da film hori zuzenean ordenagailuan ikusi ahal izateko.

Filmak Gabonetan zehar izango dira eskuragarri. Urtarrilaren 15a artea ikusi ahal izango dira, beraz ekiozu bizkor!

Hauxe da streaming bidez ikus daitezkeen filmen zerrenda: