euskalkultura.eus

Bilatzailea

---

Berlingo Euskal Etxeak Euskal Zinemaldi bat egingo du urriaren 30etik azaroaren 3ra

2012/09/28

Gernikako bonbardaketaren 75. urteurrena kari ekitaldi bereziak antolatzen ari da aurten Berlingo Euskal Etxea eta ekitaldi horietako bat da urriaren 30ean abiatuko den Euskal Zinemaldia. Euskal elkarteak tamaina honetako egitasmoa burutzen duen lehen aldia izango da eta egitarau zabala prestatzen ari da. Behin-behineko programaren barruan Alemaniako hiriburuan ikusgai izango dira besteak beste "Bertsolari" eta "Zuloak" dokumentalak, "Izarren Argia" luzemetraia eta "Gartxot" animazio-filma, besteak beste.

---

Arrakastatsu bukatu da Limako Euskal Etxeak bertan antolatu duen Gernikari buruzko erakusketa

2012/09/25

Amaitu da Peruko hiriburuan ikusgai izan den Gernikako Bonbardaketaren 75. urteurreneko erakusketa eta Limako Euskal Etxeak jardueraren balioespen baikorra egin du. Euskadiko ordezkaritzarekin lankidetzan antolatu zuen euskal etxeak erakusketa eta bisitari ugari izan ditu. Inaugurazio ekitaldian euskal komunitateko kideak eta Limako kultur eta politika alorreko lagun asko bildu ziren. Hunkituta entzun zuten aspaldi Perun bizi den Jon Guarrochena euskaldunaren kontakizuna: bonbardaketan egon zen hiru urte baino ez zituela eta gertaerak bere familiaren bizitzan marka latza utzi zuela aitortu zuen.

---

Euskal kultura leiho bat zabalik New Yorken urriaren 1etik 13ra "Basque Cultural Exchange" jardunaldietan

2012/09/19

Etxepare Euskal Institutuaren eskutik, New York hiria "Basque Cultural Exchange" ekimenaren leku izango da urriaren 1etik 13ra bitartean, aukera emanez bertako biztanleei egitarauko film, mahai-inguru eta kontzertuak medio euskal kultur emaitza garaikideetara hurbiltzeko, aurten, Gernikako Bonbardaketaren 75. urteurrena gai gisa harturik. City University of New York-en (CUNY) egoitza duen Bernardo Atxaga katedrak aurten irakasle hautatu duen Joxean Fernandez Euskadiko Filmategiko zuzendaria izanik, ekimenak hainbat film emango ditu historiako pasadizo horren inguruan 'Gernika eta Espaniako Gerra Zibilia Euskal Herrian' izenburupean. Beste saio batzuk 'Euskal ikonoak munduan' eztabaidatuko edota euskal kantagintzaren historia aurkeztuko dituzte kontzertu multimedia batean, euskaraz, ingelesez eta gaztelaniaz.

---

Chivilcoyko Beti Aurrera Euskal Etxeak 'Gernikako Arbola' literatur sarien irabazleak adierazi ditu

2012/09/10

Chivilcoyko Beti Aurrera euskal etxe argentinarrak, joan den ostiralean bere egoitzan eginiko ekitaldi batean, SADE idazle argentinarren elkartearekin batera deitu zuen Gernikako Arbola literatur sari nazionalen irabazleen izenak adierazi zituen. Bi elkarteetako lehendakariak buru izan ziren saioan, lehenengo hiru sarituen eta aipamen berezia lortutakoen berri eman eta sariak banatu ziren. Luciano Germán López, San Luis probintziako La Punta-tik partaide izan denak bereganatu du lehenengo saria. Bigarrena, La Platako José Luis Visconti izan da, eta hirugarrena Jairo Zanetti, Entre Ríos probintziako San Jose-koa.

---

Gaur zabalduko da Liman Gernikako Bonbardaketaren 75. Urteurrenari buruzko Erakusketa

2012/09/07

Hiriko alkate Susana Villarán de la Puente, Euskadiren Ordezkari Ana Urchueguia eta bertako Euskal Etxeko lehendakari Raul Noblecilla partaide, gaur eguerdian zabalduko da ofizialki Limako Erdigune Historikoaren baitan, Casa Rimac delakoan, Gernikako Bonbardaketaren 75. Urteurrena gogoan hartzeko antolatutako erakusketa. Aldi berean, datorren igandean, irailaren 9an --Arantzazuko Andra Mariaren egunean alegia-- eta euskal etxea tarteko ere, meza berezia emango du Callaoko apezpiku erretiratu Miguel Irizar euskaldunak, eman ere aurten 400 urte betetzen direla-eta hirian Arantzazuko Andra Mariaren Kofradia sortu zenetik, non eta meza egingo den San Frantziskoko Komentuan, ondoren ekitaldi bat ere egingo delarik.

---

Paraguaik bertako euskal ekarria ospatzen du, bere II. Euskal Astea eta euskal etxe berri bat iragarriz

2012/07/31

Euskal ikutua daukaten albiste paraguaitarrak ugaldu egin dira azken asteotan. Hilabete hasieran, Misiones departamentuko San Juan Bautista hirian Sebastian Sasiain Zubillaga euskaldunari egindako omenaldia nabarmentzen genuen, gatzagar hau eta bere emazte Brigida Zubia Erostarbek egun bertako sukaldaritza herrikoiaren 'Batiburrillo' izeneko izarra den jatekoa eta edateko gauza bera den 'siriki' delakoaren sortzailetzat hartuak baitira. Mereximendu horiek kari, omenaldia antolatu zitzaien azkeneko San Juan jaietan (San Juan Bautistako jaiak dira), azkenean, ohoratzea, Paraguai bizitzen ari zen egoera delikatuarengatik, uztailaren 7an egin bazen ere. Omenaldi horrekin batera, ordea, bertan euskal etxe berri baten sorrera iragarri zen, Uruguaiko bigarrena, eta baita Euskal Aste bat, bigarrena hau ere, Asuncionen, urriaren 22tik aurrera, Eusko Jaurlaritzaren Mercosurrerako Ordezkaritza tarteko, Gernikako bonbardaketaren 75. urteurrena eta Estatutuaren Eguna ospakizunetara bilduz.

---

Jorge Orrico Gernikako bonbardaketaren 75. urteurrenaz mintzatuko da Euskal Erria Euskal Etxean

2012/07/24

---

'Gernikako Arbola' izenarekin poesia lehiaketa jarri du abian Chivilcoy-ko Beti Aurrera euskal etxeak

2012/07/23

'Gernikako Arbola' izeneko lehiaketan parte hartzera gonbidatu du Buenos Aires probintzian Chivilcoy-ko Beti Aurrera euskal etxea argentinarrak. Idazlanei dagokienez, poesia generokoak izan behar dira eta gaia, librea, Gernikako Bonbardaketarena barne. Lanak bidaltzeko epea abuztuaren 31an bukatuko da eta irabazleak 500 pesoko diru-saria jasoko du. Lehiaketaren berriaz gain, Beti Aurrera-ko lagunek jakinarazi digute joan den uztailaren 7an erakundearen urtemuga eta Sanferminak ospatu zituztela. Argentinako Independentziaren Eguneko herriko ekitaldietan ere altxatu zuten ikurrina Chivilcoy-ko euskal etxeko ordezkariek.

---

Mercosur-ko euskal etxeak ibiliko ditu Gernikako Bonbardaketaren erakusketak: bete zure eskabidea

2012/06/26

Akordioa sinatu dute Eusko Jaurlaritzako Kanpo Harremanetarako Idazkaritzak eta Gernikako Bakearen Museoko Fundazioak, ‘Gernikako Bonbardaketa -75 urteurrena’ erakusketa errezibitu nahi duten Mercosur-ko euskal etxeetara iritsi ahal izan dadin 2012ko gainerakoan eta 2013 osoan zehar, Buenos Airesko Euskadiko Ordezkaritzak koordinatuko duen egutegi bati jarraituz. Horretarako, erakusketa jaso nahi duten euskal etxeek Ordezkaritzarekin jarri behar dute kontaktuan erakusketa eskatu (artikulu honi erantsi diogun eskabidea erabiliz) eta baldintza eta xehetasun guztiak bilera birtual baten bidez adosteko. Eskaerak egiteko epea uztailaren 10ean bukatuko da.

---

Cancungo Kukulcan eskolako ikasle talde batek Guernica margotu du bonbardaketaren 75. urteurrenean

2012/06/18

Mexikon, Cancungo Kukulcan ikastetxeko ikasle talde batek bat egin du joan den astean Gernikako bonbardaketaren 75. urteurreneko ekitaldiekin eta Picassoren 'Guernica'ren replika den murala margotu du eskolako jardun gisa, 1937an Bizkaiko herri horretan gertatutakoa azaldu zaielarik eta guztiaren emaitza gisa bonbardaketa kari sarraskiaren eta gerlen salaketa gisa historiaratu den obra geratu delarik horma gainean, joan den ostiralean 'inauguratuta'.

---

• «
• 31
• 32
• 33
• 34
• 35
• 36
• 37
• 38
• 39
• 40
• »

Irakurrienak

• 2025/08/27
  Joxe Mallea-Olaetxeren "More than sheepherders" liburuak Nevadako Elkoko euskaldunen historia aurkezten digu
• 2025/08/29
  Euskal Artzainak Ameriketan-ek Donezteben egingo du, urriaren 5ean, 2025eko artzain ohi amerikanoen jai handia
• 2025/08/26
  "Basques in Australia" erakusketa aldi berean inauguratuko dute zapatuan Australian, eta astelehenean Bilbon
• 2025/09/02
  Elena Martín izango da Etxepare Institutuak Nevadako Unibertsitatean sustatutako Jon Bilbao Katedrako titularra
• 2025/08/28
  Euskara eskoletarako epea irekiko Londresko Euskal Etxeak irailean eta Euskal Diasporaren Eguna ospatuko du 6an

Azken komentarioak