euskalkultura.eus

euskal diaspora eta kultura

Albisteak rss

Zure euskal mundua zer den erakutsi nahi al duzu? Bidali zure argazkiak GureMunduak.com atarira!

2010/10/07

Juanjo Novella eskultorearen 'Nire aitaren etxea', Zugaztietan (argazkia Joseba Barrenetxea)
Juanjo Novella eskultorearen 'Nire aitaren etxea', Zugaztietan (argazkia Joseba Barrenetxea)

PUBLIZITATEA

Iparraldeko Euskal Kultur erakundea munduko euskaldunen argazkiak biltzen ari da, bakoitzak bere euskal mundua erakutsi eta elkarren artean gure munduaren irudi kolektibo bat sortzeko. GureMunduak.com du izena ekimenak eta Euskal Herriko zein atzerriko euskaldunak ari dira jada argazkiak bidaltzen, euskaldun bat dagoen edonon ere euskal mundu ttipi bat sortzen delako. Bidali zure argazkiak lotsarik gabe, denon artean munduko bola bete arte!

Uztaritze, Lapurdi. Denon artean euskal munduen irudi bat osatzea, horixe da www.guremunduak.com webgunearen helburua. Euskal Kultur Erakundeak (EKE) jarri du abian ekimena eta joan den uztailean sareratu zenetik Euskal Herriko eta munduko beste hainbat baztarretako argazkiak jaso ditu jada. Arduradunen asmoa, baina, webgunean agertzen den munduko bola argazkiz betetzea da, beraz parte hartu bahi duenak badu oraindik nahi adina leku!

Edonork bidal ditzake argazkiak eta proiektuaren arduraduna den Jakes Larrek EuskalKultura.com-i adierazi dionez, 'nehork ez du lotsatu behar bere argazkien kalitate handiago ala tipiagoagatik, garrantzitsuena guretzat, bakoitzak bere lekukotasuna bidaltzea baita'.

Argazkiak bidaltzea oso erraza da, horretarako 'Igo zure argazkiak' botoia sakatu, eta bertan Gure Munduak ekimenean izena eman baino ez da egin behar. Kidetzen direnek argazkiak igo ditzakete, besteen argazkien iruzkinak egin eta azken finean ekimenaren inguruan sortuko den sare sozialean parte hartu. Webgunea euskaraz, gazteleraz, frantsesez, ingelesez eta katalanez dago eskuragai.

Hona hemen dagoeneko sarean diren argazkietako batzuk:

 

 gure Munduak 1

['Maldan behera' (argazkia Jakes Larre)]

gure munduak 5

['Suaren inguruan dantzan VII' ( argazkia Joseba Barrenetxea)]

gure munduak 7

['Mauleko gaztelu zaharra' (argazkia Jean Pierre Oger)]

Gure munduak 2

['Elurtegia, Patagonia, Argentina' (argazkia Maite Deliart)]

 

 



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia