euskalkultura.eus

Pergamino, Argentina. Herri askotako gizataldeetako ordezkariak bildu ziren joan den azaroaren 26an Pergaminoko Artxibo Historikoa erraustu zuen sutearen lehenengo urtemuga oroitzeko. Atsekabe handiz bertaratu ziren lagunak Mitre Geltokiko Nasa ohira. Alde batetik, suak berarekin eraman baitzuen Pergaminoko historiaren zati berreskuraezin bat. Beste alde batetik, 2009ko gizataldeen jai arrakastatsua -- hondamenaren egun pare bat lehenagoa egin zena -- hor berton ospatu zela guztiek gogoratzen dutelako.

Baina omenaldiaren helburua bestelakoa zen. Aurrera jarraitu eta galdutakoa ahal den neurrian berreskuratu behar dela esan zion 'Lagun Onak' euskal etxeko idazkaria den Marta Arrillagak bildutako jendeari: “Gauza asko galdu ditugu baina ez dena. Artxiboa egitera lagundu genuenok ez kikiltzea, berriro hasi eta gure memoria errekuperatzea agindu genuen eta horregatik gaude gaur hemen: gure hitza betetzeko”, adierazi zuen Arrillagak, udaleko agintari, gizataldeen ordezkari eta auzokideak batu zituen zeremonian.