euskalkultura.eus

euskal diaspora eta kultura

Albisteak rss

Nazioarteko prestigio gorena duten zortzi sukaldari izango dira Basque Culinary Centereko aholkulariak

2010/07/27

Basque Culinary Center-eko sukaldariak (argazkia Noticias de Gipuzkoa)
Basque Culinary Center-eko sukaldariak (argazkia Noticias de Gipuzkoa)

PUBLIZITATEA

Atzo eratu zen Donostian egoitza izango duen 'Basque Culinary Center'eko Aholkulari Batzordea. Zentro honetako aholkulari taldea nazioartean izen handiena duten zortzi sukaldariek osatuko dute. Hurrengo urtetik aurrera, gune honetan Gastronomia Zientzien Fakultatea eta Ikerketa eta Berrikuntza Zentroa izango dira.

Donostia-San Sebastian. Rene Redzepi, Yukio Hattori, Mássimo Bottura, Michel Bras, Dan Barber, Gastón Acurio, Alex Atala eta Heston Bluementhal dira Basque Culinary Centereko nazioarteko aholkulari batzordea osatuko duten zortzi sukaldariak. Mondragon Unibertsitateak eta euskal sukaldariek 2009ko martxoan sortu zuten 'Basque Culinary Center' Fundazioa, erakunde publikoen laguntzarekin. Gastronomia eta Sukaldaritza Zientzien Fakultatea eta Ikerketa eta Berrikuntza Zentroa bilduko dituen egitasmoa 2011n jarriko da abian.

Zentro honen helburua Gastronomia Zientzien arloetan prestakuntza eta ikerketa lantzea, berrikuntza eta ezagutza transferitzea, eta unibertsitate, teknologia zentro, enpresa eta erakunde publikoen artean lankidetzako ikerketa-prozesuak sorraraztea da, modu horretan ezagutza sortu eta transmitituko duen sarea garatzeko.

Hamabi hilabeteko lana geratzen da aurretik. Datorren udan prest egongo da zientzia gastronomikoetan nazioarteko erreferente bilakatuko den eraikina. Horrela, 2011-2012 ikasturtean Estatuko Zientzia Gastronomikoen lehen Fakultatea bilakatuko da eraikina eta I+G zentroak sukaldari unibertsitarioen lehen promozioa hartuko du.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia