Nafar Gastronomia Astea egingo dute New York eta Washingtonen datorren larunbatetik otsailaren 14era arte

Datorren larunbatetik hasita eta otsailaren 14era arte nafar sukaldaritzaz eta edarigintzaz gozatu ahal izango dute New York eta Washingtongo zaletuek, 'Nafarroako Gastronomia Astea'ren 2010eko edizioaren baitan. Nafarroak gastronomikoki eta turismo arloan oro har dituen aberastasunak goraipatzeko ekimen hau Iruñeko exekutiboak antolatu izan du urtero azkeneko urteotan. Oraingoan "Colour New York with Navarra red" (Kolorezta New York Nafarroako gorriaz) eslogan gisa erabiliz (edo Washingtonen, Washington), kanpainak webgune propioa ere badu eta aurten New York eta Washingtongo hainbat jatetxe laguntzaile egingo da, beste hainbeste nafar janari eta edari enpresa lankide.

New York, Estatu Batuak. Kanpainak Colour New York with Navarra red (Kolorezta New York Nafarroako gorriaz) eslogan gisa erabiliz hasiko da datorren larunbatean New Yorken, eta 11ean Washingtonera zabalduko da, beti ere bi hiriotako jatetxe zerrenda bat laguntzaile, Gastronomia Asteak irauten duen bitartean, lankide diren hainbat ekoizle nafarren produktuak erabiliko baitituzte, 'nafar zaporedun' manu bereziak eskainiz. Ekitaldietan Nafarroatik propio etorritako aditu batzuk ere parte hartuko dute, hala nola Ana Laguna eta Pilar Garcia-Granero enologoak, Robin Kelley O'Connor ardo-aditua eta David Yarnoz sukaldaria, Michelin gidan izar bat duen El Molino de Urdaniz nafar jatetxe ezaguneko burua. Beste urte batzuetan Migel Sanz presidentea eta gobernuko beste kide batzuk partaide izan dira ekitaldion aurkezpenean, baina lerrok idazteko momentuan ezin izan dugu baieztatu.

Webgunea ere badu ekitaldiak. Paperean, berriz, Gastronomia Astea dela-eta, Nafarroako Gobernuak zabalduko duen liburuskak, Nafarroa Espainia Iparraldean dagoen lurralde gisa eta Hemingway-k Fiesta bere nobelan betirakotu zuen eremua gisa aurkezten du. Nafarroako ezugarrien, klimaren eta bereziki edarigintzako ekarpenez dihardu, kanpainako partaide diren patxaran eta ardo marken ezaugarriak xehetasunez aipatuz, guztia ingeles hutsean. Liburuska internetez jaitsi daiteke, hemendik.

Parte hartuko duten jatetxeak hauek dira:

New Yorken

ALCALÁ
342 East 46th St./ 1st Ave.
(212) 370-1866

BOQUERIA FLATIRON
53 W 19th St. / 6th Ave.
(212) 255-4160

BOQUERIA SOHO
171 Spring St. / West Broadway
(212) 343-4255

CAFE RONDA
249 Columbus Ave/ 72nd St.
(212) 579-9929

CASA MONO
52 Irving Pl./ 17th St.
(212) 253-2773

EL PORRON
1123 First Ave./ 62nd St.
(212) 207-8349?

LILY'S
501 Lexington Ave./ 47th St.
(212) 838-0844

OLIVES
201 Park Ave. South / 17th St.
(212) 353-8345

SALA ONE NINE
35 West 19th St. / 5th Ave.
(212) 229-2300

SOLERA
216 East 53th St. / 3rd Ave.
(212) 644-1166