euskalkultura.eus

Villa Mercedes, Argentina. Urtero bezala, 2011 honetan ere egin da San Luis probintziako Villa Mercedes-en Immigrantearen Jaia. Kultura aniztasuna ospatzea helburu duen jaialdia hiriko 'Calle Angosta-Kale Estua' kulturgunean gauzatu zen eta, aurreko edizioetan bezala, milaka lagun hurbildu ziren hainbat herritako nortasun, ohitura eta kulturak ezagutzeko asmoz.

Euskaldunen kasuan, eskaintza zabala eta kalitate handikoa zeukaten prestatuta Euskal  Etxea instituzioko kideek. FEVA eta Arrecifeseko Euskaldunak Denak Bat euskal etxearen izenean, Laura Nobilek 'Seme-alabek ahaztu nahi dutena, bilobek gogoratu nahi dute' hitzaldia emango zuen azaroaren 6an kultur aretoan, eta Cnel. Moldeseko Gure Zainak erakundeko lehendakaria den Marita Echavek ere zegokion aurkezpena egingo zuen 'Euskal baserrietako sukaldaritza' liburuarekin. Baina igande arratsaldean gertatutako ekaitza gogorrak festaren programa aldarazi zien ekitaldiaren antolatzaileei eta bertan behar utzi behar izan ziren bi mintzaldiak.

[Euskal Etxeko dantzariek euskal dantzak egin zituzten Kale Nagusiko tauletan (argazkia EE)]

Larunbatean egin behar izan ziren ikuskizunekin, ordea, ez zen arazorik izan, eta gizatalde euskaldunaren artistak jaiaren tauletatik pasatu ziren. Baietz musika taldeak Euskal Herriko pieza klasikoenak jo zituen Festaren agertoki nagusian. Ondoren, euskal musikari cordobatarrek euren disko berriko abestiak aurkeztu zituzten Don Miranda tabernan. Musikarekin jarraitzeko, publikoaren txalo beroak jaso zituzten euskal etxeko dantza taldeak zein Euskal Etxeari atxikita dagoen Camerata de la Luna abesbatzak. Artista guztien artean, festara agertu zirenek Euskal Herriko musika eta dantzen izpiritua ezagutu ahal izan zuten.

[Etxeko sukaldariak euskaldunen ekarpen prestatu zituzten pintxoak (argazkia EE)]

Eta doaike sukaldaritza arte bat denez, euskal etxeko txokoan janariaren artisauak euren ekarpen artistikoa eskaini zuten euskal mokaduak bu egunetan zehar prestatzen. Tartak, pintxoak, gisatuak… gustu guztietako platerak aurkitu ahal izan ziren Euskal Etxea-ren standean. Lan handia hartuta, baina emaitza ederra Villa Mercedeseko euskaldunena. San Luisen, Argentinako beste probintzia askotan bezala, euskaldunek kolore, zapore, usain eta erritmo bereziak jarri zizkioten etorkinen omenaldiari.