euskalkultura.eus

Donostia-San Sebastián. Eusko Ikaskuntza giroa berotzen ari da datorren abenduaren 3an ospatuko den Euskararen Nazioarteko Egunaren karira. Elkarteak 1949. urtean sortu zuen jai honek jarratzaile asko ditu Diasporan eta euskal etxeen artean. 

Aurtengo edizioa euskal historian arrastoa utzi duten emakumeei eskainia da eta, hori dela eta, erakundeak omenaldiaren irudi izango diren 44 emakume aukeratu ditu taldearen ordezkari gisa. Emakume hauen irudia Kukuxumusuk diseinatu duen kamiseta oroigarrian ageri da.

Eusko Ikaskuntzak lehiaketa antolatu du ENEren inguruan eta 180 elastiko zozketatutko ditu bere webgunean sartu eta emakume hauei buruzko lau galdera ondo erantzuten dituztenen artean. Abenduaren 2a arte egongo da irekita lehiaketan parte hartzeko epea.