euskalkultura.eus

Cancun, Mexiko. Ekimena Mexikoko Quintana Roo estatuko hiririk handiena eta turismoa dela-eta nazioartean famatua den hiri honetako Kukulcan ikastetxean gauzatu dute bigarren mailako ikasle talde batek eta euren irakasleak, maien zibilizazioari lotutako eremu honetan ikasleek izan duten 2012ko Kultur Astearen baitan.

Ikasleei duela 75 urte Gernikan gertatu zen sarraskiaren berri eman zaie eta Picassoren 'Guernica' bertako horma xuri batean margotzea "Euskal Herrian egun bizi diren momentuengatik eta koadroa faxismoaren aurkako irudi denez" egin dela azaldu dio EuskalKultura.com-i proiektua sustatu duen Alejandro Eguia-Lis euskal mexikarrak, Cancungo euskal komunitateko kide eta ekile denak.

Ikasleek euren irakaslearekin sostenguarekin lana burutu ondoren, aurkezpena edo 'inaugurazio ofiziala' joan den ostiralean, ekainaren 15ean, egin zen, goizeko hamaiketan, artista gazteen eta euren irakaslea partaide, egindako eta bertan geratuko den lanaz harro.