Mexiko Hiria, Mexiko. “Comer fuera de casa, como en casa: topaketas vascas en Buenos Aires” (Kanpoan jatea, etxean bezala: euskal topaketak Buenos Airesen) du izena Julieta Gaztañaga Antropologian doktoreak idatzitako artikuluak. Ikerlanak Buenos Airesko Euskaltzaleak Euskaltegiak antolatu ohi dituen 'topaketak' (euskaraz zein gaztelaniaz) izeneko saio motan sakontzen du, sukaldaritza eta patrimonializazio kontzeptuak lotuz. Bode batez, eta teknika etnografikoa (parte-hartzailearen behaketa) erabiliz, "Zein zeintzu dauka etxetik kanpo jateak gizarte talde ezberdinentzan?" galderari saiatzen da erantzuten.
2014 eta 2019 artean lortutako datuekin eta ikerlan zabalago baten baitan –"Euskal subiranismoaren eguneroko eratzea Euskal Herrian eta Argentinan" ere ikertzen du Gaztañagak– antropologoak azaltzen du Euskaltzaleak-en egiten diren Topaketak “Sutsu handiko komentsalitate ekintzak direla komunitatea osatzeko. Agerian gastronomiari lotuta badaude ere, ikur bezala gehiago lotzen dira borondatezko lanarekin, euskal argentinar soziabilitatearen politika instituzional abstraktuarekin baino”.
Liburua salgai
Antropologo argentinarrak topaketen arrastoei buruz ere idatzen du (mahai-ohialetako mantxetatik mahaikide baten algararen oihartzuneraino): “Batzuetan hitzez adierazten dira, beste batzuetan hitzik egin behar izan gabe; nolanahi ere jai, oroitzapen edo erritoen bidez partekatutako leku batean egoteko forma bat dira. Lekua denona da eta inorena ez. Jateko era eroso, familiar eta pertsonalizatua dira, etxean bezala, baina etxetik kanpo”.
CONICETeko ikerlari den Julieta Gaztañagaren artikuluak Tiana Bakić Hayden eta Paloma Villagómez Ornelas doktoreek koordinatutako Comer afuera en América Latina liburuko parte da beste 13 artikulu akademikorekin batera. Liburua Colegio de México argitaletxeak argitaratu du eta oraingoz paperezko bertsioan eskura daiteke. Link honetan eros daiteke.
- Colegio de México-ren webgunea
- Gaztañagaren kontaktua, julieta.gaztanaga@conicet.gov.ar
Lagun bati bidali
Komentarioa gehitu
