Berlingo Euskal Etxeak zuzendaritza berritu du; Ainhoa Añorgak darrai presidente

2013/09/18

Berlingo Euskal Etxearen ekitaldi batean zuzendaritzako zenbait kide: ezkerrean, Unai Lauzirika diruzaina, eta eskubian, Ainhoa Añorga presidentea (argazkia BerlinEE)

PUBLIZITATEA

Oporretako etenaldiaren ostean, Berlingo Euskal Etxea hil honetan itzuli da lanera eta hasiak dira dagoeneko ikasturte berriko ekinean. Aurreneko ekitaldietako bat Urteroko Ohiko Biltzar Nagusia izan zen, irailaren 13an. Bertan elkartearen eguneroko martxari dagozkion hamaika kontuez jarduteaz gain, Zuzendaritza Batzordea berritzeko bozketa ere egin zen. Elkarteak aditzera eman duenez, Ainhoa Añorga Osak jarraitzen du presidente karguan eta Constanze Lindemann eta Lourdes Eizaguirre dira presidenteordeak.

Berlin, Alemania. Urteroko Ohiko Biltzar Nagusia egin zuen Berlingo Euskal Etxeak iragan irailaren 13an, eta erakundearen araudiari jarraiki, Zuzendaritza Batzordea berritzeko hauteskundeak egin ziren. Bazkideek aurreko zuzendaritza taldearen lana euren botoekin berretsi zuten eta Ainhoa Añorga Osa presidenteak karguan jarraituko du agintealdi berrian.

Honakoak dira "Gernika Deutsch-Baskischer Kulturverein e. V." Euskal Etxeak aukeratu berri dituen Zuzendaritza Batzordeko kideak:

-Presidentea: Ainhoa Añorga Osa

-Presidenteordea: Constanze Lindemann

-Presidenteordea: Lourdes Eizagirre Ondarra

-Idazkaria: Hans Joachim Wilke

-Diruzaina: Unai Lauzirika Amias