euskalkultura.eus

euskal diaspora eta kultura

Albisteak rss

Ruper Ordorikaren kontzertua, jendetsua eta "Mugaritz BSO" dokumentalari, txaloak Berlinen

2012/02/15

Ruper Ordorika kantariak Mediengalerie aretoan eman zuen kontzertuaren irudia (argazkia BerlinEE)
Ruper Ordorika kantariak Mediengalerie aretoan eman zuen kontzertuaren irudia (argazkia BerlinEE)

PUBLIZITATEA

Euskal kulturak tarte berezia izan du egunotan Berlinen: batetik, Ruper Ordorika kantariak eman zuen kontzertua dela-eta eta, bestetik, Berlinale zinemaldiaren barruan antolatu zen 'Basque Day' ekitaldiarengatik. Lagun asko bildu ziren larunbatean musikari oñatiarrak MedienGalerie-n eman zuen kontzertura, Euskal Etxeak eta Etxepare Institutuak antolatu zuen ekitaldian. Jendetza eta txalo asko ere izan ziren Berlinalen astelehenean, "Mugaritz BSO" euskal dokumentalaren aurkezpenean. Ondoren, 200 lagunek Andoni Luis Aduriz sukaldari ospetsuak prestatutako afaria dastatzeko aukera izan zuen.

Berlin, Alemania. Etxepare Institutuak jakinarazi duenez arrakastatsua izan larunbatean Ruper Ordorikak Berlinen eskaini zuen kontzertua: aurreikuspenak gainditu eta 140 bat lagunek lepo bete zuten MedienGalerie aretoa. Ordorikak 'Hodeien azpian' diskoa aurkeztu zuen eta bere aurreko hogei lanetako kantu ezagunak ere jo zituen. Entzule euskaldun ugari bildu ziren bertara, Alemaniako beste muturretik propio etorritakoak ere; eta baita ere zenbait alemaniar. Eurentzako itzultzaile lanetan ibili zen Ainhoa Añorga, ekitaldia antolatu zuen Berlingo Euskal Etxearen presidentea.

Bestalde, astelehenean Berlinale zinemaldiaren baitan egin zen 'Basque Day' edo Euskal Egunak ere erantzun ona izan zuen. Bereziki aipagarri izan zen "Mugaritz BSO" dokumentalaren estreinaldia. Felipe Ugarte txalapartariak eta Juantxo Sardon zinemagileak zuzendu duten lan honek txalo zaparrada jaso zuen 'Culinary Cinema' saileko emanaldian. Filmea Andoni Luis Aduriz sukaldariaren Mugaritz jatetxe ezagunaren sukaldean sartzen da eta bertako platerei musika jartzen die, horretarako jakien jatorri eta gastronomia desberdinen bila munduan barrena bidaia eginez. 

"Mugaritz BSO" filmaren trailer bat:



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia