euskalkultura.eus

Caracas, Venezuela. EuskalKultura.com-eko zuzendariak Eusko Etxea-ko egoitzan egonik sentipen bereziak ari zela nabaritzen esan zuen, are gehiago hitzaldia entzuteko bertaratutakoen artean Eusko Etxe bertako familia esanguratsu eta euskal protagonista horietako batzuk edo euretako seme-alaba eta bestelako jendakiak zeudela ohartutakoan.

Euskal etxe caracastarreko lehendakariak, Carlos Otaño gasteiztarrak, egin zituen sarrera hitzak eta aurkeztu zuen hizlaria berrogeita hamar bat lagunek osatzen zuten entzulegoaren aurrean. Euskal Herriaren eta euskal emigrazioaren historia laburtua jendaurretu zuen Etxarrik, mundu osoko euskal diasporako hainbat argazkiz. Aitortza bat ere plazaratu zuen, frankismo garaian Venezuelak euskararen, euskal kulturaren eta Euskal Herriaren sostengatzaile gisa egin zuen lan eskerga aitortuz eta esker oneko hitzak esanez.

Datozen egunetan gaur egun Venezuelan ofizialki esistitzen diren beste bi euskal etxeetara ere mugituko da Joseba Etxarri eta elkarretaratzeetan parte hartu eta hitzaldiak emando ditu Valentzia-Caraboboko Eusko Etxean, ostiralean, eta Puerto la Cruz-ekoan igandean, ondoren Euskal Herrirako atzerako bidea hartzeko.