euskal diaspora eta kultura
2017/04/03
Mota askotako ekintzetan parte hartu ahal izango dute Union Vasca Euskal Etxeko kide txikienek 2017 honetan ere. Proposamenak 3 eta 12 urte arteko haurrei daude zuzenduta, gai ugari jorratu eta lantzeko asmoz. Umeentzako sukaldaritza tailerrak, euskara eskolek eta Barandiaran Liburutegiak txikientzat propio prestatutako jarduerek osatzen dute Argentinan orain hasten den ikasturte berri honetan Bahia Blancako Union Vasca Euskal Etxearen apustu eta eskaintza bertako txikienentzat.
2017/03/31
Argentinan eta Uruguain euskal kultura zabaltzeko egiten diren irratsaioak ez dira atzo goizeko gauza. Teknologia berrien poderioz, ordea, saio horiek munduko bazter guztietara iristen dira gaur egun eta programak Internet duen edonork segi ditzake, sarearen bidez parte hartuz gainera. Zoritxarrez, saiook, ugaldu ordez, murrizten ari dira. Ikasturte berri honetan faltan ditugu saio horietako batzuk eta egiten zuten lan ona, Arrecifestik, Bahiatik...
2017/03/31
‘Buenos Airesek Euskal Herria ospagai’ (Buenos Aires Celebra, BAC) jaialdian estreinatu zen, martxoaren 18an, ‘Agur(t)ango’ koreografia, hiriko Laurak Bat Euskal Etxeko dantzariak eta Ekin Dantzari Taldeko kideak partaide. Tangoa eta Agurra batzen dituen koreografia ez da, ordea, Aitor Alavak sortutako lehenengo fusioa. Izan ere Ekin Dantzari Taldearen ezaugarri nagusietako bat da ‘bi herrietako idiosinkrasiak landu, tartekatu eta errespetatzea’.
2017/03/30
Gaur Otxandiotik (Bizkaia) abiatu eta hamar egunez euskal lurrak batetik bestera zeharkatu ostean apirilaren 9an Iruñean (Nafarroa) bukatuko den Korrika euskal diasporan gero eta sendoago dabilen ekimena da. Nazioartean, hiru zutabe dauzka gehienbat: munduko euskal etxe eta kmunitateak, Etxepare Euskal Institutuko iraakurletzat (batzuetan, euskal komunitateak dauden hirietan, eurekin batera) eta munduan bestela barreiatutako euskal familia, norbanako eta taldeak.
2017/03/30
Ahulenei ematen zaien tratuak eta hildakoekiko moduek asko esaten dute komunitate bati buruz. EuskalKultura.com-en "Oroimenean" sailak Diasporan hildakoak gogoan hartzea eta haiekiko azken oroitzapena gordetzea dauka helburu. Zure lankidetza eskatzen dizugu horretarako, bidaltzea zure euskal etxe edo komunitatean zendutakoen berri. Keinu eta ahalegin txiki bat izan daiteke zuretzat, hildakoak merezitakoa seguruenik. Hona hildakoen zerrenda.
2017/03/29
"Parque del Bajo" izeneko proiektuak lekuz aldatu nahi zuen. Juan de Garay Fundazio Euskal Argentinarrak eginiko kudeaketa lanak medio, historia eta lotura euskal argentinarraren sinbolo eta ikono den kimuak bertan segituko du, 1919an landatu zuten lekuan. Juan de Garayren estatua, aldiz, bertan 1915an ezarria, 30 bat metro mugituko dute. Lanak datorren urterako bukatuko lirateke, ekainero bertan egiten den hiriaren urteurren ekitaldiari batere eragin gabe.
2017/03/28
‘Arte’ telebista katea Euskal Diasporari buruzko dokumental bat ari da filmatzen eta Buenos Aires probintzia argentinarreko Tandil hirian grabatu ditu irudiak, bertako Gure Etxea Euskal Etxeko lagunekin solastuz eta elkarrizketatuz, eta euskal elkarteko jarduerak islatuz. Dokumentala edizio prozesuan ari da dagoeneko eta emaitzak laster ikusi ahal izango omen dira kateko webgunean, Interneten.
2017/03/27
‘Anima Zaitez!’ 2016an Cordoba probintzia argentinarreko Villa Maria herriko Euskal Etxeak sortutako programa bat da. Gonbitea luzatzen zaie Euskal Herriko gazteei Argentinara etorri eta euren euskal kultura partekatu dezaten, tailer batzuk emanez pare bat astez. Parte hartzaileek bidaia eta asegurua jarri beharko dituzte eta Argentinako partea egonaldiaz arduratuko da (ostatua, janaria). Uztailean egingo da maiatzaren lehena du hautagaiak aurkezteko epea.
2017/03/27
Aste gutxi barru 80 urte beteko dira hegazkin nazi alemanek eta faxista italiarrek, Franco general espainiarraren zerbitzuan Gernika bonbardatu zutenetik. Haren ondorioz, besteak beste, milaka euskal haurrek Euskal Herria utzi behar izan zuten, euren gurasoek salbatu nahi izan baitzituzten eraso basatietatik. Honako artilulua, haur haietako multzo bat Eskoziako Montrose herrira iritsi zenekoa gogora ekarriz argitaratu du joan den astean Montrose Review kazetak.
2017/03/24
Foru gobernuak aste honetan onartu du Bruselan higiezin bat errentatzeko akordioa, Europako Parlamentutik eta Erregioen Batzordetik hurbil, bertan ezartzeko Nafarroako Gobernuaren Ordezkaritzaren egoitza. Neurri honekin, egoitza propioa berreskuratuko du Nafarroak, herrialdearen ahotsa zuzenean entzun dadin Europan eta nazioartean, berezkoak dituen eskuduntzak erabiliz, adierazi dute nafar exekutiboko iturriek.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
