euskal diaspora eta kultura
2017/04/20
Programa osatua antolatu du Neuquengo Comahueko Euskal Etxeak datorren asteko astebururako, tailerrak, mahai-inguruak, zinea eta ateraldi turistikoak barne. Topaketaren hirugarren edizio honetan, gaur arte partaidetza baieztatu duten euskal etxeak dira: Viedma eta Patagoneseko Aberri Etxea, Barilocheko Mendiko Eusko Etxea, Puerto Madryngo Etorritakoengatik, San Martin de los Andesko Euskal Txokoa eta Comodoro Rivadaviako Euskal Echea, baina ez da baztertzen besteren bat emenda daiteenik.
2017/04/20
Hiriko euskal kolektibitatearentzat egutegian gorriz datozen hiru ekintza ospatu zituen Necocheako Euzko Etxeak joan den asteburuan. Aktibitateen programa larunbat arratsaldean hasi zen ‘Bertso Pilota’ ikuskizunarekin eta igande iluntzean bukatu, Aberri Eguneko ospakizunekin. “Euskal giro ederra gailendu zen ekintza guztietan asteburu osoan zehar”, adierazi dute euskal etxe necocheatarretik.
2017/04/19
Batzuek Berbizkunde igandean bertan, beste batzuek aurreko asteburuan eta askok ondokoetan. Egun batean edo bestean ospatuta ere, Aberri Eguneko ospakizun guztiek elkarbanatzen dute Euskal Herriarekin duten lotura eta engaiamendu sentimendua adierazi eta plazaratzeko gogoa. Argentinan, aurten goiztiarren ibili dena Buenos Aires probintziako Cañuelas izan da, bere dantzari gazteen Aberri Eguneko elkarretaratzea 11. ediziora iritsi baita apirilaren 8 eta 9an; Artikulu honetara Concordia eta Olavarriako ospakizunen aipuak ere bildu ditugu.
2017/04/19
Txileko Euskal Gizataldea euskal etxea zenbait ekimen ari da prestatzen 10 urte betetzen ari den urte honetan, urteurren hori ospatzearren. Ikasturte berriaren hasieran hiru proposamen abiarazi ditu dagoeneko: euskara eskolak, euskal abesbatza eta euskal dantzak, guztiak elkarte honen egoitza den Las Condeseko Estadio Español delako erakundean garatuak. Iragan asteazkenean, bestalde, "Más allá de una sola voz" liburuaren aukezpena ere babestu zuen aterki duen Las Condeseko erakunde berean.
2017/04/18
Euskal Herritik kanpo bizi diren Euskal Herriko euskaldun batzuek, bertan egonik sobera ospatzen ez zutena, orain kanpoan bizi direla ospatzen dute, herrimina eta distantzia tarteko hain segur. Aberri Eguna hitzordu berezia da munduko hainbat euskal etxetan, eta halaxe ospatu dute joan den igandean euskal etxe askotan, tartean New Yorken, Caracasen, Necochean, Londresen, Miamin, Venezuelako Valentzian, Madrilen eta Habanan, lekuetako batzuk aipatzearren. Aste Santuko igandea jende asko biltzeko data zaila izanik, ordea, Diasporan, Aberri Eguneko ospakizun gehienak ondoko egun eta asteetan egiten dira. Urtero bezala, hitzordu horien berri ematen joango gatzaizkizue, informazioa eskuratzen joan ahala.
2017/04/18
Chicagon bizi den Amaia Gabantxo itzultzaileak itzuli ditu Maldan Behera (1959) eta Harri eta Herri (1964), "Downhill" y "Rock & Core" izenburuz hurrenez hurren, liburuki batera bilduak, Nevada-Renoko Unibertsitateko (UNR) Euskal Ikasketa Zerbitzuko (CBS) Argitalpen Zerbitzuaren eskutik, Bizkaiko Foru Aldundia izan delarik itzulpen lanen babesle. Arestiren lanez gain, Renoko euskal argitalpen zerbitzu honek Oteizaren Lan Hautatuen ingelesezko bertsioa, Joseba Zulaika editore, azpimarratu du bere berripaperaren azen alean.
2017/04/17
Bigarren Eguna izango du gaur Lapurdiko Saran bertan 34. aldiz egiten den urteroko Idazleen Biltzarrak. Jakina denez, Ipar Euskal Herrian euskal idazleen eta literatura arloko elkarretaratze erreferentzia nagusia da aurten 34.ez egiten den euskal liburu eta material azoka hau, orain arte beti Bazko astelehenez egiten zena, egun bakar batez, eta aurtengo edizioan lehenengoz bi egunez egiten ari dena. EuskalKultura.com-ek stand batekin hartzen du parte.
2017/04/13
EuskalKultura.com, eta euskal kultura eta diasporaren aldeko proiektu hori sostengatzen duen Basque Heritage Elkartea, partaide izango dira stand batekin datorren igande eta astelehenez Sarako 34. Idazleen Biltzarrean. Ipar Euskal Herrian euskal alorrean egiten den idazle eta literatura/kultur bilkurarik garrantzitsuena da Sarako Idazleen Biltzarra, aurten lehenengo urtez ohiko Bazko astelehenean egitetik, bi egunez, Bazko igande eta astelehenez, egitera pasatu dena.
2017/04/12
Iñigo Urkullu lehendakaria buru, ordezkaritzak Bizkaiko Batzar Nagusietako lehendakari Ana Otaduiren partaidetza ere izango du eta datorren aste erdialdean iritsiko da Auschwitzera, Konzentrazio eta Suntsiketa gune izan zen Auschwitz-Birkenau inguruan Gernikako Arbolaren kimu bat landatu eta Gernika eta Auschwitz bezalako bi ikonoen arteko harremana estutzearren, Gernikako eta beste euskal herri batzuen bonbaketen 80. urteurrena betetzen den urte honetan.
2017/04/12
‘Hator Hona’ truke programaren 2017ko edizioan parte hartzeko deia zabaldu du Necocheako Euzko Etxeak. Gonbitea 18 eta 30 urte bitarteko Euskal Herriko gazteei dago zuzenduta, egonaldia uztailaren 14tik abuztuaren 4raino egiteko. Izen-emate epea apirilaren 30eraino da. Aldi berean, bereziki lanpetua izango duen datorren asteburu honetan, bere 72. urtebetetzea ospatuko du instituzioak, Korrika eta Aberri Eguna antolatzearekin batera.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
