euskalkultura.eus

Bideoak

Kalakan hirukotea Kaliforniako San Jose-n Madonnarekin kantari: xiberotar aireen edertasuna

2015/08/24

Egoki iruditu zaigu Kalakan hirukoteak Madonnarekin biran ari zela kantaturiko aire labur bat hona ekartzea. Kantua, "De Trevilleren azken hitzak", ezaguna da Euskal Herri osoan, hitzak eta soinua Etxahun Irurirenak, eta grabaketetan seguruenik bere bertsio ezagunena Imanol Larzabal donostiarrari zor zaio. Hauxe dio guztiok berdintzen gaituen heriotzaz: "Hori bera da denen ixtoria / herioak bardintzen handi ttipiak / zeren ilüsione bat bera da / lürraren gaineko gure pasajea".

Bideoa ikusi

---

Kepa Junkerak Bilbotik internetez Boiseko Jaialdiri hasiera emanez eskaini zuen kontzertua

2015/08/12

Kepa Junkera trikitilari bilbotarrak Bizkaiko hiriburutik, bertako etxeorratzik altuena den Iberdrola dorre gainetik eskaini zuen kontzertuaren bideoa da honakoa, osorik (49'' 26''). Kontzertua pantaila erraldoi batez segitu ahal izan Boisetik, Jaialdiko asteartean. Hasieran, Bilboko alkate Juan Mari Aburtoren agurra.

Bideoa ikusi

---

Boiseko Estatu Unibertsitateko irakasle Nere Lete KIVI telebistan Boiseko Euskal Ikasketez

2015/08/11

Bideoa, berez, Boiseko Jaialdiko ostiralean eman zuen bertako  KIVI TV kanalak, baina gaur arte ez zaigu iritsi esteka eta informazioa; beraz hona uztailaren 31an aipatu telebista kateko albistegietan eman zuten erreportajea, BSUko Basque Minor-eko Nere Lete zuzendaria hizlari, unibertsitate honek Euskal Ikasketen alorrean eskaintzen dituen aukerak azaltzen. Mila esker, Nere!

Bideoa ikusi

---

Zertan erabiliko den Athletic-en Boiseko partidak izango dituen etekinak: BSUko Basque Studies

2015/07/18

Lerro hauek, uztailaren 18an idatzi dira, goizez, Bilboko Athletic-ek eta Tijuanako Xoloitzcuintles futbol taldeek Boisen partida historiko bat jokatu baino hamabi bat ordu lehenago. Arrazoi asko medio izango da partida historikoa, besteak beste aukera bakarra izango delako Athletic bezalako talde europar, on eta euskalduna Boisen ikusteko. Baita ere jende askoren ilusioa eragin duelako futbolaren eta euskal kulturaren inguruan. Etekinen zati handi bat, Boisen Euskal Ikasketak sendotzeko erabiliko da. Horri buruz doa honako bideoa. Agian jende asko bilduko da gaur partidara, eta urrats polita emango da euskal kulturak ere urrats berriak eman ditzan BSUn, Boisen eta Estatu Batu Mendebaldean!

Bideoa ikusi

---

Nevadako herri-musika biltzerakoan, ongi irabazitako eskubidez agertzen da Bernardo Yanciren eskusoinua

2015/07/02

Ez soilik Elko, Nevada eta Estatu Batuetako euskal musika herrikoia aipatzerakoan agertzen da merezimendu osoz Bernardo Yanci soinujole lesakar-elkotarra. Nevadako euskal musika, bertako herritar euskaldunen adierazpide da, eta Nevadak bertako emaitza eta ondaretzat aldarrikatzen du. Dokumental hau, jatorriz Nevada Arts Council-ek egina, berreskuratu egin du "Home means Nevada" programa sortak.

Bideoa ikusi

---

Dennis Cruz-en "Basque Block, Boise Idaho", Tony Arrubarrenaren azken agerpena telebistan

2015/06/24

"The Attitude Adjustment Hour" saioko arduraduna da Dennis Cruz. Berak Estatu Batuetan aurkezten duen programa Idahoko estaturaino hurreratu eta "Basque Block, Boise Idaho" izeneko saioa (15' 43'') ekoitzi du bertako euskaldunez eta Boisen euskal bizitzako erdigune eta bihotza den Basque Block delako auzo edo hiriguneaz. Saioa egin zutenean ezin jakin, baina bideoan lekuko gisa agertzen den, eta besteak beste programan zehar mintzatu eta amaiera ere ipintzen dion lekuko nagusia, Tony Arrubarrena, oso pertsona ezaguna eta estimatua Boisen, zendu berria da maiatzaren 30ean Idahoko hiriburuan, 83 urte zituela. Tony gogoan dugula ekarri dugu hona Dennis Cruzen erreportajea.

Bideoa ikusi

---

Boisen 2015eko uztailaren 18an jokatuko den Athletic-Tijuana taldeen arteko partidaren TV iragarkia

2015/06/06

Honako telebista iragarkiarekin ari da agertzen publiko estatubatuarraren aurrean datorren uztailaren 18an Boisen jokatuko den Bilboko Athletic Club eta Tijuanako Xolos taldeen arteko futbol partida. Gogoratu, uztailaren 18a dela partidaren behin-betiko data. Norgehiagokak lortzen dituen irabazkiak Boiseko Euskal Ikasketen Fundazioaren eta Idahoko Gazteen Futbol Elkartearen alde izango dira. Hitzordua, uztailaren 18an, arratsaldeko 7etan , Boiseko Albertsons Stadium-en. Txartelak salgai BasqueSoccerFriendly.com-en . 

Bideoa ikusi

---

Rick Steves bidaiari eta bidaia antolatzaile amerikarraren Euskal Herriari buruzko bideoa

2015/06/04

Rick Steves bidaiari eta telebista gizona da, Estatu Batuetan saioa duena bereziki Europa eta bertako jende eta herrialdeak aurkezten bere ikusle eta jarraitzaile anglofonoei. Honako bideo laburrean (2' 54'') Euskal Herriari buruzko aurkezpen bat egiten du "Basque Country: A Proud, Unique Culture" izenburupean. Bidaiak ere antolatzen ditu Europara, eta hainbat aholku eta pista ematen bere webgunetik bertara bidaiatu nahi dutenentzat, Euskal Herriaren kasuan Iparraldeaz zein Hegoaldeaz. 

Bideoa ikusi

---

Ken Zazpi euskal taldearen Ilargia kantu ezaguna Galeseko haur talde batek kantatua

2015/05/24

Galeseko Llanfairpwll herriko gazte talde bat ageri da bideo honetan Ken Zazpi euskal talde ezagunaren seguruenik kantu ezagunena den Ilargia kantatzen (ikus bertsio originala). Erruduna, Iñaki Pierola izeneko gaztea, bi hilabeteko irakasle praktikak egin baitzituen 2011ean herri horretan eta euskaldunez eta euskal kulturaz zeozer jakin eta ikasi nahi zutelarik honako kantua irakastea otu zitzaion. Euskararik ez bazekiten ere, arazorik gabe pare bat astetan ikasi zuten eta hona emaitza. 9-11 urte bitarteko haurrak dira eta Iñaki bera ari zaie gitarran, beste irakasle bat pianoan eta perkutsioan beste ikasle bat. Zorionak haurrei eta zorionak Iñakiri!

Bideoa ikusi

---

"36 Hours in Bilbao": Bilbon Guggenheim-ez aparte askoz gehiago dagoela dio New York Times-ek

2015/05/20

Bideoa argitaratu du New York Times egunkariak maiatzaren 20ean "36 Hours in Bilbao" (36 ordu Bilbon) izenburupean, bere Bidaien atalean, hiria gomendatuz eta Guggenheim Museoaz aparte dauzkan beste hamaika leku eta aukera erakargarri aurkeztuz. 5 minutu eta 38 segundo irauten ditu eta bertako gastronomia, bere bazterrei darien historia eta beste hainbat xehetasunen bozgarailu azaltzen da, hasteko bideoko irudien bidez bisitatzen hasi nahi dutenentzat. Irakuri bideoarekin batera Bilbori buruz argitara eman duen artikulua.

Bideoa ikusi

---

• «
• 1
• 2
• 3
• 4
• 5
• 6
• 7
• 8
• 9
• 10
• »

Irakurrienak

• 2019/10/10
  Masami Murakami, bihotz athletizale taupadatsua duen Tokioko Euskal Etxeko delegatu eta ekile geraezina
• 2019/10/08
  Diaspora Eusko Legebiltzarrean: entzun harrera eta Arantxa Anitua, Unai Lauzirika eta Jean Flesherren erantzuna (bideoak - eta II)
• 2019/10/11
  New Yorkeko Eusko Etxea igande honetako bileran parte hartzera deitzen ari da hiriko euskaldunak: geroa jokoan
• 2019/10/11
  Bihar abiatuko da Baionan Euskal Gizataldeen arteko Munduko XLII Mus Txapelketa, saioak datorren astean zehar
• 2019/10/14
  ‘Korrika Txiki’ batek itxi zuen Llavallolen Buenos Aires hiriko Euskal Echea Eskolako 2019ko Euskal Jaia (bideo harrigarria)

Azken komentarioak