euskalkultura.eus

euskal diaspora eta kultura

Bideoak

Euskal sukaldaritza tailer laburra Washingtongo publiko amerikarrari

2016/07/05

Euskal sukaldaritza tailerra Washingtongo National Mall-en. Smitsonian Folklife Festival 2016ko programaren baitan (photo EuskalKultura.com)

Bideoa ikusi


Euskal ekitaldia Washingtongo Indio Amerikarraren Museo Nazionalean: ohorezko aurreskua

2016/07/05

2016ko ekainaren 28a, asteartea. Bihar astezkena inauguratuko da Washingtonen euskaldunei eskainitako Smithsonian Folk Festival 2016. Bezperan, baina, euskal egitarauak ekitaldi bat programatu du hainbat gonbidaturekin. Estatu Batuetatik, besteak beste, John Garamendi kongresukide kaliforniarra; Euskal Herritik, Tapia sailburua eta hiru diputatu nagusiak, eta Euskadiren AEBetarako ordezkari Ander Caballero. Ekitaldia hasteko, ohorezko aurreskua (bideoa EuskalKultura.com).

Bideoa ikusi


Gernikako Arbolaren kimua landatzen Washingtongo Kapitolioan: John Garamendi kongresukidearen hitzak

2016/07/05

Bideoan, Gernikako Arbolaren kimuaren landaketa Kapitolioko lorategietan, Washingtonen: John Garamendi kongresukide kaliforniarraren hitzak. Ondoren, landaketa: Garamendik deiturik azken lur eskukada botatzen duen neskatila bere bilobetako bat da. Ondoren, bonbardaketa bizi izan zuen Maricarmen Egurrola gernikarrak eta bertan zeuden Euskal Herriko eta Estatu Batuetako ordezkari eta partaideetako askok botako zuten euren lur-eskukada. Uztailaren 2a, 2016 (bideoa EuskalKultura.com)

Bideoa ikusi


Erabateko giro euskalduna AEBetako Washington hiriburuan, Kepa Junkera eta Sorginak-en erritmoez

2016/07/05

Pare bat astez, Washington hiriaren bihotza euskal kolorez jantzi da 2016ko ekain-uztailean, euskaldunei eskainitako Smithsonian Folklife Festival jaialdiarekin. Bideoan, ekainaren 29ko aire zabaleko kontzertuko irudiak, musika, dantza eta euskal bizipoza, National Mall-en Kepa Junkera eta Sorginak-en eskutik, itsasoaren bi aldeetako publikoa dantzari (bideoa EuskalKultura.com)

Bideoa ikusi


Kepa Junkera eta Sorgiñak-ek eman zuten estreineko kontzertua Washington DCn Kapitolio aurrean

2016/07/05

Kepa Junkera eta Sorginak Washingtonen jotzen Smithonian Folklife Festival-en barruan, programa osoko inaugurazio kontzertuan Kapitolio aurreko oholtzan. Giroa ez dago azaldu beharrik, sentiarazten dute!  (bideoa EuskalKultura.com)

Bideoa ikusi


Haur amerikarrak euskara ikasten "Old McDonald had a farm" kantuaren bertsio elebidunaz, Nokaren eskutik

2016/07/05

Kaliforniako Noka euskal kantari hirukoteko kide diren Begoña Echeverria eta Cathy Petrissans haurrentzako "Old McDonald had a farm" kantu tradizionalaren bertsio berri batekin inguratu ziren Washingtongo Smithsonian Folk Festival 2016ra, "Old McDonald had a farm bazuen baserria" kantu elebiduna aurkezturik (bideoa EuskalKultura.com)

Bideoa ikusi


Learning Basque - Helduak euskara ikasten in Washington DC

2016/07/05

Euskara irakasten Washington hirian euskaldunei eskainitako 2016ko Smithsonian Folklife Festival jaialdian. Publikoa, jatorri ez-euskalduneko amerikarrak dira gehienbat, eta ezagutza txikia daukate euskarari buruz, interesa kenduta. Irudietan irakasle --edo erakusle esan beharko agian hobe--, Kinku Zinkunegi, Euskara Munduan-eko koordinatzailea, eta Errukiñe Olaziregi, Madrilgo Euskal Etxeko euskara irakaslea. Batzuk apunteak ari dira hartzen (bideoa EuskalKultura.com)

Bideoa ikusi


Smithsonian Folk Festival 2016: The Basques and the sea

2016/07/05

Jaialdi barruko lekuak bisitatzen: Euskaldunak eta Itsasoa, azalpenak ematen txalupa bat eraikitzeko euskal teknika tradizionalez. Washingtongo Smithsonian Folklife Festival 2016k itsasoak euskaldunen bizitza eta historian izan duen garrantzia gailendu zuen: komunikabide gisa, munduratzeko, baleen ehizan eta arrain industrian... Komertziorako, munduan zehar mugitzeko, arrantzatzeko... Euskaldunen itsas kulturak ere isla izan zuen Washingtonen (bideoa EuskalKultura.com)

Bideoa ikusi


Iturengo joaldunak Washington hiriraino heldu ziren euren joare eta jantziekin

2016/07/05

Iturengo joaldunak biraka ibili ziren Washingtongo National Mall-en, baina tartea hartu zuten baita ere euren jarduna azaltzeko harrituta eta interesatuta begiratzen zien publikoari. Bideo honetan azalpenak ematen ari dira Smithsonian Folklife Festival-eko kantxan, zinez zur eta lur eta galderez beterik ikusle dauzkaten jendeen aurrean (bideoa EuskalKultura.com)

Bideoa ikusi


Klaperttarrak & Aukeran Washington DCko Kennedy Centerren 2016ko uztailaren 1ean, emanaldi osoa

2016/07/05

Euskal kontzertua Kennedy Center-en. Manu Iturregi trikitilaria, Klaperttarrak & Aukeran Washington DCko Kennedy Centerren 2016ko uztailaren 1ean, emanaldi osoa (bideoa The Kennedy Center)

Bideoa ikusi


PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia