Zuzendaritza berritzeko bozketa Rio Cuartoko 'Gure Ametza' Euskal Etxean: Eduardo Aguirre, lehendakari

2011/11/14

Cordoba probintzia argentinarreko Rio Cuartoko 'Gure Ametza' Euskal Etxeko Zuzendaritza Talde berria osatzen duten kideak

PUBLIZITATEA

Argentinako Cordoba probintzian, Rio Cuarto-ko 'Gure Ametza' Euskal Etxeak Urteko Ohiko Batzar Nagusia biltzeko deia egin zuen azaroaren 2rako eta hala bildu ziren bertako bazkideak, besteak beste elkartearen Zuzendaritza Batzordea berritzeko. Hauteskundeak egin ondoren, Eduardo Aguirre atera da lehendakari berria eta berarekin batera sartu dira Zuzendaritza Batzordean Edurne Bilbao, lehendakariorde; Pablo Gabriel Cufré, idazkari; José Victoriono Irazoqui, idazkariorde; Elba Regina Viano, diruzain; eta Raúl Zufiaurre, diruzainorde, besteak beste.

Rio Cuarto, Argentina. Rio Cuartoko 'Gure Ametza' Euskal Etxeko Urteko Ohiko Batzar Nagusia azaroaren 2an bildu zen herri cordobatar horretan. Beste zenbait gairen artean Batzarrak 2007, 2008, 2009 eta 2010eko txosten eta kontu-txostenak onetsi zituzten eta buruzagitza berritzeko hauteskundeak egin zituzten, Zuzendaritza Batzorde berria honela osatuta geratu delarik:

-Lehendakari: Eduardo Aguirre
-Lehendakariorde: Edurne Bilbao
-Idazkari: Pablo Gabriel Cufré
-Idazkariorde: José Victorino Irazoqui
-Diruzain: Elba Regina Viano
-Diruzainorde: Raúl Zufiaurre

-Batzordekide titular: Sergio Ramón Eguiazu, Manuel Ignacio Campoamor, Valeria Andrea Echandia, Martha Elena Ascacibar
-Batzordekide ordezko: Gustavo Benjamín Echandia, Javier Daniel Unamuno, Cynthia Sánchez Benítez, Ana Mercedes Poncio

BATZORDE KONTU IKUSKATZAILEA

-Titularra: María de las Mercedes Echavarri
-Ordezkoa: Iñigo Landeta