Montreal, Quebec. ‘Chambre D'Écoute’ (Entzuteko gela) izenburupean eta Quebec bertako ‘Quasar Saxophone Quartet’ taldearekin batera, euskal eta Quebeceko sorkuntza uztartzen duen ikuskizun bat eskainiko du ‘Zukan’ euskal hirukoteak datorren ostegunetik hasita Quebec-en. Joko dituzte, besteak beste, Ramon Lazkano, Miguel Matamoro, Emilie Girard-Charest, Abel Paul, Francisco Domínguez eta Chantale Laplante-ren obrak lau hiritan gauzatuko duten programa hautua.
Kronograma
-Irailaren 18an, Montrealen, Le Vivier - Wilder Espace Orange aretoan. Informazioa eta sarrerak, hemen.
-Irailaren 20an, Chicoutimin, CEM Studio aretoan. Informazioa eta sarrerak, hemen.
-Irailaren 23an, Quebec Hirian, hiriko Musika Kontserbatorioan. Informazioa eta sarrerak, hemen.
-Irailaren 25ean, Rimouskin, Tour de Bras aretoan. Informazioa eta sarrerak, hemen.
Maria Zubimendi zumaiarrak (akordeoia), Gorka Catediano mirandatarrak (perkusioa) eta Jon Ansorena hernaniarrak (txistua) osatzen duten taldeak 2021ean bisitatu zuen lehen aldiz Quebe eta Montreal, kultur trukea egitearren bertako ‘Quasar Saxophone Quartet’ taldearekin. Iaz ere igaro zuten denboraldi bat euskal artistok Ipar Amerikako herrialdean, baina beste helburu batekin, egonaldi artistiko bat egin baitzuten Emilie Girard-Charest biolontxelo-jotzailerekin.
Aurreko proiektuek bezala aurtengo proposamenak ere Etxepare Euskal Institutuaren babesa dauka eta artistak adostekotan dira bertako Euskaldunak Quebec elkartearekin musika aktibitateren bat.
-Zukan Instagramen, triozukan
Lagun bati bidali
Komentarioa gehitu
