euskalkultura.eus

euskal diaspora eta kultura

Albisteak rss

Zaragozako Nafar Etxeak Iruñeko San Fermin jaiekin bat egin eta txupinazoa piztu zuen festari ekinez

2009/07/10

Zaragozako alkateordea, Fernando Gimeno, txupina pizten bertako Nafar Etxeak joan den astelehenean, uztailaren 6an, Santiago kalean antolatutako ekitaldian
Zaragozako alkateordea, Fernando Gimeno, txupina pizten bertako Nafar Etxeak joan den astelehenean, uztailaren 6an, Santiago kalean antolatutako ekitaldian

PUBLIZITATEA

Zaragozako Nafar Etxeak bat egin zuen, urtero legez, Iruñeko San Fermin jaiekin, joan den uztailaren 6an txupinazoa piztuz, aurtengoan Fernando Gimeno Aragoeko hiriburuko alkateordearen eskutik, haren ondoan Alberto Catalan Nafarroako Gobernuko kontseilari eta bozeramalea zegoela. Milagroko txaranga festa ederlari, nafar alkate batzuk eta Zaragozako eskualde-etxeetako ordezkariak ere bildu ziren ekitaldira.

Zaragoza, Espainia. Zaragoza hiriko Santiago kalea hainbat jenderen biltoki bilakatu zen joan den astelehen eguerdian, urtero eta bertako Nafar Etxeak antolaturik egiten den San Fermineko txipinazoren tokiko bertsioa segitzeko. Tradizio bilakatua, Iruñeko festa eta giroarekin bat egiteko aukera da Zaragozako txupinazoa.

Zaragozako Udaleko alkateorde Fernando Gimeno izan da aurten txupina bota duena, Nafarroako Gobernuko kontseilari eta eledun den Alberto Catalan lagun. Hitzordura nafar udal batzuetako alkateak ere bildu ziren, eta baita Zaragozan egoitza duten eskualde-etxe batzuetako ordezkariak ere, Nafarroako Gobernuak ohar baten bidez jakinarazi duenez.

Nahiz eta aurten jaien hasiera astelehenean suertatu, jende andana polita bildu zen hitzordura eta sanferminetako kantuak kantatu ziren, horien artean 'Entzun arren San Fermin, zu zaitugu patroi, zuzendu gure oinak, entzierro hontan otoi' (A San Fermín pedimos por ser nuestro patrón) kantuaren bertsio berezi bat, gaztelaniaz jakina, kantatu zutenek eskualde- edo erregio-etxeentzako dirulaguntza handiagoak eskaturik. San Fermineko programak biharamunean segitu zuen, izan ere San Fermini eskainitako meza batez Pilareko Amaren Basilikan.



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia