euskalkultura.eus

Zaragoza, Espainia. Inaugurazioa joan den asteazkenean egin zen Zaragozako Nafarroako Etxeak hiriburuko honetako Santiago 27 helbidean daukan egoitzako Erret Bardeak Aretoan, eta bertan egon ziren, Catalan kontseilari-eledunaz gain, Zaragozako Nafarroako Etxeko eta Espainiako Nafar Etxeen Federazioko presidente den Rosa Mary Ibañez Zapatero, Nafarroako Kutxako (CAN) presidenteorde Sara Portoles, eta Zaragozako zinegotzi Manuel Medrano, erakusketaren egile den Jose Luis Urman eta beste zenbait jendez aparte.

Erakusketak pintoreak Afrika eta Asian barrena eginiko lan figuratiboak biltzen ditu. Zaragozatik pasatu ondoren Espainiako estatuan zehar ibiliko da nafar etxerik etxe. Inaugurazioa Zaragozan egin izana, bertako nafar etxeak daukan oihartzunagatik izan da, kontutan harturik gainera hilabete gutxi barru hiriburu aragoitarrak proiekzio berezia jasoko duela Expo-Zaragoza 2008ren egoitza izango baita. Nafarroako Gobernuak pabilioia irekiko du bertan, 'Nafarroa, oreka lurra' esloganpean.

Erakusketa urriaren 31era arte bisitatu ahal izango da Zaragozako Nafar Etxean, Santiago 27, honako ordutegiari jarraiki: asteartetik larunbatetara, arratsaldeko zazpietatik bederatziak arte; jai egunetan, 12etatik ordu biak arte.

Lotura interesgarriak

Rosario Nafar Etxea, Funes-ko Kolektibitateen Azokan (erdaraz)
2007ko urriaren 5ean EuskalKultura.com-en argitara emana

Goizueta-Latassatarren ondorengoen bilkura Argentinan
2007ko urriaren 2an EuskalKultura.com-en argitara emana

Rosarioko Nafar Etxeak Munduko 22-Azpikoa antolatuko du
2007ko irailaren 26an EuskalKultura.com-en argitara emana

Erroibarreko seme-alaba eta ondorengoek bilera Gardnervillen (USA)
2007ko irailaren 18an EuskalKultura.com-en argitara emana