euskalkultura.eus

Santiago, Txile. Maiatzean eta ekainean egindako partida eta sailkatzeko saioen ostean bi bikote geratu ziren buruz buru aritzeko eta txapelduna euren artean erabakitzeko: Tomes Ilzauspe eta Alfonso Echenique geratu ziren lehenengo errondako garaile; eta Fermíi Sarratea eta Jorge Oyarzun, bigarrengoko, argi utziz nafarren nagusitasuna Txilen mus kontuei dagokienean.

Finala, beraz, aipatu bi bikoteen artean jokatu zen, garaile Ilzauspe-Echenique geratuz. Ondorioz, beraz, eurak ordezkatuko dute Txile azaroaren 9tik 16a bitartean Angelun (Lapurdi) jokatuko den Mundu mailakoan.

Aurtengo arerioak eta herrialde bakoitzeko txapeldunen mailak oraindik neurri handi batean jakiteke, txiletarrak aukerarik izan dezakete munduko txapela eurenganatzeko, eta horren aurrekari hurbilik ez da falta, 2005ean bikote txiletarrak irabazi baitzuen Mundukoa.