euskalkultura.eus

Bartzelona, Katalunia. Ostiral honetan hasiko da Bartzelonako Euskal Etxean Europako Euskal Elkarteen II. Bilkura eta herrialde desberdinetako hamar bat euskal etxeetako ordezkariek parte hartuko dute bertan. Bilkuraren helburua elkarte hauen arteko harremanak sendotu eta ekimen amankomunak sustatzea da. Lehendabiziko bilera Parisen egin zuten iaz eta aurten Bartzelonak hartu du lekukoa. Kataluniar Euskal Etxeko lehendakari Aitor Arrutik EuskalKultura.com-i aurreratu dionez, topaketaren helburua bikoitza da: alde batetik 'euskal etxeek zerbait antolatzen dutenean beste elkarteen parte hartzea ere sustatzea', eta bestetik 'Europako euskal etxeen sareaz baliatzea kontzertu bira eta kultur ekitaldiak antolatzeko'.

Aipagarria da Bartzelonako Euskal Etxeak kultur egitarau mardula prestatu duela bilkura hau eta Mus Txapelketaren jardunaldiak osatzeko. Egitarau honen barruan ostiralean ongietorri afaria egingo da ordezkaritzentzat eta Iosu Yeregui tenoreak emanaldia eskainiko du. Larunbatean Maddi Oihenart kantari zuberotarrak, 'Euskal Herriko ahots onenetako batek', kontzertua eskainiko du, Zuberoako kantu tradizionalen errepertorioa eskainiz bere kantuekin batera.

Euskal Gizataldeen Mus Txapelketa Mundialari dagokionez, hamar bat ordezkaritzek parte hartuko dute bertan. Partidak astelehenean hasiko dira eta ostiralean jokatuko dira finalak. Sari Banaleta larunbatean egingo da. Jarraian txapelketan parte hartuko duten jokalarien zerrenda jasotzen dugu, antolatzaileek eman bezala:

-Argentina

-Australia

Jokalariak: Pedro Altuna eta Rubén Albaro.  Ordezkaria: Mariasun.

 
-Txile

Jokalariak: Juan Luis Mendiburu Azcarraga eta Juan Carlos Lago Zugadi. Ordezkaria: Juan Carlos Lago Zugadi. 

-Espainia

Jokalariak: Mariluz Abel eta Mariano Larrañaga.

-Katalunia

Jokalariak: Iñaki Insausti eta Andrés Fernández. Ordezkaria: Andrés Fernández. 

-Estatu Batuak

Jokalariak: Manuel Villanueva eta Tony Vitoria. Ordezkaria: Antonio Espinal.

-Euskadi (2007ko Txapeldunak)

Jokalariak: Iñaki Abendibar eta Antonio Vicente Alonso.

-Euskadi

Jokalariak: Fernando Arellano Villar eta Manuel Rodríguez Gonzalez. Ordezkaria: Jose Luis Garcia Loza.

-Frantzia

Jokalaria: Jean Marc Girbon eta Bernard Charriton. Ordezkaria: Bernard Apesteguy.

-Mexiko

Jokalariak: Iñaki Fernández eta Luciano Fernandez. Ordezkaria: Juan José Arrieta.

-Venezuela

Jokalariak: Félix Garate eta Lucia Lizarazu. Delegada: Lucía Lizarazu.

-Uruguai

Jokalariak: Rosa Querejeta eta Diana Acosta.