Paris, Frantzia. Aurreko artikulu batean azaldu dizugu zein programa berezia prestatu duten euskal instituzioek azaroaren 19 eta 20an Parisen, bertako Liburutegi Nazionalean zein Sorbonne eta Sorbonne Nouvelle unibertsitateetan, Etxepare Euskal Institutuaren 15. urteurrena ospatu eta gogoetari eta arlo akademikoko ekarpen bati ekiteko Pariseko eta Frantziako bihotz akademikoa diren aipatu unibertsitate eta esparruetan.
Parte hartu nahi baduzu, unibertsitate-esparruko batzarrean zein Pradales lehendakaria buru izango duen ekitaldian, garaiz zaude, baina gogoan hartu gaur ostirala azken eguna dela izena emateko Lehendakaria eta Euskal Herritik etorritako ordezkaritza instituzional, sozial eta kulturala bilduko dituen Liburutegi Nazionaleko ekitaldian. Bertan izena emateko, email honetara behar duzu idatzi: etxepare@etxepare.eus.
Zure interesa, berriz, 'Langues minorisées en contexte francophone: traduire, transmettre, transformer' ('Hizkuntza gutxituak testuinguru frankofonoan: itzuli, transmititu, eraldatu') kongresuan parte hartzea bada, epea azaroaren 16ra artekoa daukazu. Informazio gehiago, hemen.
Bisita 18an Pariseko Euskal Etxera
Gogoan hartu, bestalde, Pradales lehendakariak eta Euskal Herritik etorritako bisitariak Pariseko Euskal Etxera ere hurreratuko direla, orain arte aipatu ekitaldiak hasteko bezperan, asteartean, azaroaren 18an, euskal etxe paristarrak berak eta Euskadiren Frantziako Ordezkaritza antolatzaile dituen hiriko euskal komunitate eta lagunei eskainitako ekitaldi batean. Euskal Etxeko bazkide guztiei luzatu zaie gonbidapena emailez, 19:00etarako markatu den hitzordurako. Ikus hemen.
Lagun bati bidali
Komentarioa gehitu
