euskalkultura.eus

Necochea, Argentina. Aspaldiko ohiturari eutsiz, berehala hemen den 2014ean ere San Sebastian danborrada eta Aste Nagusia ospatuko dute euskal-necocheatarrek. Donostiako ospakizunekin bat eginez, kostaldeko hiri argentinarrean ere ekitaldiak urtarrilaren 20an egingo dira, baina Donostian ez bezala, hemen udako giroan peto-petoan. Necocheako Euzko Etxeak herritar eta bisitariei ez ezik, Argentinako eta Diaspora osoko euskaldun eta lagun guztiei ere luzatu die bertaratu eta oporraldia Necochean ospatzeko gonbitea, danborradaz eta euskal festez gozatuz, bistan da.

Aste osorako behin behineko egitarauaren berri ere eman du, interesa dutenek euren oporrak garaiz antolatu ahal izan ditzaten. Hona:

Urtarrilaren 12tik 16ra
-Pilota Paleta Txapelketa, Larruzko Pilota modalitatean, nazio eta nazioarteko izen handiko jokalariekin

Urtarrilaren 20an
-20etan, Elizkizunak Kostaldeko Villako Nuestra Señora de Lourdes elizan
-21etan, Danborrada herriko kaleetan

Urtarrilaren 21ean
-20etan, sukaldaritza tailerra, Rosarioko Arantza Soraluce chefa arduradun

Urtarrilaren 22an
-21etan, Baztan filma, euskal etxeko kultur aretoan

Urtarrilaren 23an
-20etan, Pintxo Eguna: Euskal Herriko pintxo tipikoen dastaketa euskal etxeko jai aretoan

Urtarrilaren 24an
-20etan, Erromeria: euskal dantzak eta janaria, euskal etxean

Urtarrilaren 25ean:
-20etan, Herri Kirolak euskal etxearen aurreko bulebarrean, euskal etxe gonbidatuak partaide
-22etan, San Sebastian afaria euskal etxeko jai aretoan. Menua: paella. Afarian baitan berriro ere arituko da Donostiako danborrada. Etxeko alkatea ere hautatuko da jaian. Afalostean, erromeria