euskalkultura.eus

Iruñea-Pamplona. Proba denboraldiaren ostean, plazaratu berria da Navared, bere burua 'munduko nafarren sarea' gisa aurkezten duen internet bidezko ekimena eta joan den ostegunean Nafarroako Gobernuak aurkeztu zuenean 600 erabiltzaile pasatxo zeuzkan ataria eta gaur astelehena 860 biltzen dituena, beti ere webguneak berak ematen dituen xifren arabera. Gaztelania hutsean dator.

Atzerrian bizi diren nafarrak bildu eta elkarrekin komunikazioan sartzea helburuetarik duenez, webguneak zerbitzu eta baliabide batzuk iragartzen ditu erabiltzaileentzat xede hori erdietsi ahal izateko, tartean taldeak sortzeko aukera, argazki eta bideoak eskegitzekoa, ebentuak eta txatak antolatzea, mezu zuzenak igortzea eta baita erabiltzaile bakoitzaren horman idazteko aukera ere.

Erabiltzaile erregistratu daitezke kanpoan bizi diren nafarrak, baina baita ere egun Nafarroan biziz inoiz kanpoan bizi izan direnak, eta baita ere nafarrak ez izanik Nafarroarekin loturak dauzkaten bestelako herritarrak.

Kide erregistratu horiek honela banatzen dira:

Bestela, honako datuak eskaintzen ditu Navared-ek bere buruari buruz astelehen goizalde honetan:

• Kideak: 860 kide
• Enpresak: 37 enpresa
• Enplegua: 3 eskaintza
• Taldeak: 165 talde
• Egutegia: 6 ebentu
• Inkestak: inkesta 1 
• Berriak: 27 berri
• Kontaktuak: 536 kontaktu
• Iruzkinak: 260 iruzkin
• Albumak: 497 album
• Bideoak: 13 bideo
• Foroak: 3 artikulu