Madril, Espainia. Jon Maia (Urretxu, 1972) bertsolari eta idazleak hitzaldia eman zuen atzo Madrilen Complutense Unibertsitatean "Desde Extremadura al euskera. Identidad, idioma... un viaje interior" (Extremaduratik euskarara, identitatea, hizkuntza... barne bidaia bat) izenburupean. 'Euskalkonplu' jardunaldien hamargarren edizioaren barruan gauzatutako emanaldia Unibertsitateko Euskal Ikasketen alorra izen zuen antolatzaile. Bertsolariak azaldu zuen, Extremadura eta Zamorako migranteen seme bezala, horrek beregan eta bere ibilbidean izan zuen eragina, gaztetxo zela integrazio nahiak bere jatorria ukatzera eraman baitzuen eta geroago bere egin eta harro egotera. Bilakaera hori da bere hitzaldiko funtsa.
Atzo Complutensean eta hitzaldia gaur errepikatuko du Jon Maiak, oraingoan 18:00etan Madrilen bertan baina Jesús Maestro Hizkuntza Eskola Ofizialean. Hala adierazi digute bi lekuotatik hurrenez hurren Karlos Cid Abasolo Complutenseko Euskal Filologia irakasle titularrak eta Errukiñe Olaziregi Jesús Maestro Hizkuntza Eskola Ofizialeko eta Complutense Unibertsitateko irakasleak..
Bideoa gaztelaniaz, Jon Maia kontatzen bere bilakaera (irudia Barren.eus)
'Kantu bat gara' ostegunean Galileo Galilei aretoan
Baina Jon Maiak beste emanaldi bat ere eskainiko du Madrilera egiten ari den bisita honen barnean, 'Kantu bat gara' ikuskizuna taularatuko baitu otsailaren 2an, lagun artista eta kazetariak lankide. Horren berri beste albiste honetara bildu dugu.
Lagun bati bidali
Komentarioa gehitu
