euskalkultura.eus

euskal diaspora eta kultura

Albisteak rss

Urtebetez Euskal Herriko antzokiak pasa ostean, Jon Maiaren 'Kantu bat gara' ostegun honetan Madrilgo Galileo Galilein

2023/02/01

Azken bi egunetan Madrilen hitzaldiak eman ondoren, 'Kantu bat gara' ikuskizuna oholtzaratuko du Jon Maiak otsailaren 2an
Azken bi egunetan Madrilen hitzaldiak eman ondoren, 'Kantu bat gara' ikuskizuna oholtzaratuko du Jon Maiak otsailaren 2an

PUBLIZITATEA

Madril, Espainia. Saioz betetako urte baten ondoren, eta Euskal Herriko areto garrantzitsuenak bete ostean, Madrilen da Jon Maia 'Kantu bat gara' ikuskizunarekin. Galileo Galilei aretoan, ostegun honetan, otsailaren 2an, oholtzan lagun dituela Asier Etxeandia aktore-kantaria, Jon Plazaola aktorea eta Amaia Etxezarreta eta Ignacio Pato kazetariak. Sarrerak hemen eros daitezke, ez geroratu beraz, lekurik gabe gera ez zitezen.

30 urte dira Jon Maiak bere lehenengo kantak idatzi zituela, Negu Gorriak taldearen Gure jarrera diskorako. Geroztik bertsolariak Euskal Herriko hamaika talde eta abeslarirentzat idatzi ditu ezagun egin diren hainbat kanturen hitzak: Negu gorriak bera, Gari, Mikel Urdangarin, Anari, Benito Lertxundi, Soziedad Alkoholika, Pirritx, Porrotx eta Marimotots, Gozategi, Ken zazpi eta abar luze bat.

30 urteko letragile ibilbide oparoa ospatzeko, Jon Maiak bere hainbat kantu ezagunen bertsioak jasotzen dituen 'Kantu bat gara' izeneko liburu-diskoa atera du eta zuzeneko emanaldiak eman ditu, goi mailako musikariez inguratua, Pello Ramirez, Gorka Hermosa, Nacho Soto eta Nerea Quincoces. Izan ere, Madrilgo Galileo Galileiko emanaldian lagunez inguratua aurkeztuko ditu bere kantu ezagunenak, kontzertu bat baino gehiago, kantuen letragintzari eginiko gorazarrea izango den emankizun-ospakizun berezian.



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia