Liliana Rouan-ek hartu du Julio Esnaolaren lekua Villa Mercedesko Euskal Etxeko lehendakari legez

2009/05/18

Villa Mercedesko Euskal Etxeko lehendakari berria, erdian, bi dantzarik --Suyai y Lihue Saldaña Llanos-- inguratuta, buruzagitza berriko kideak lagun

PUBLIZITATEA

Joan den ostiralean bildu zen Euskal Etxeko Ohiko Biltzar Nagusia San Luis probintzia argentinarreko Villa Mercedesen, besteak beste Araudiaren araberako bozkak egin eta Zuzendaritza Batzordea berritzeko. Eguneko gai zerrenda aztertu eta onartu ondoren, buruzagitza berria hautatzeari ekin zitzaion eta ondorioz, Liliana Rouan-ek hartua du dagoeneko agintaldi berrian EEko lehendakaritza, bere senar Julio V. Esnaolaren lekuan. Liliana Rouanekin batera ari dira, besteak beste, Batzorde berrian, Beatriz Egaña, lehendakariorde legez; Juan José Cabytu, idazkari; eta Juan Ignacio Esnaola, diruzain.

Villa Mercedes, Argentina. Villa Mercedesko EEko Ohiko Biltzar Nagusia joan den ostiralean, maiatzak 15, bildu zen euskal elkartearen egoitzan, Araudiak puntu horri dagokiona betez. Eguneko gai zerrendak zioenaren ostean buruzagitza berria osatzeko bozkak egin ziren. Hauxe da Euskal Etxeko Zuzendaritza Batzorde berria:

-Lehendakaria: Liliana Rouan
-Lehendakariordea: Beatriz Egaña
-Idazkaria: Juan José Cabeytu
-Idazkariordea: Emanuel Correa Otazu
-Diruzaina: Juan Ignacio Esnaola Rouan
-Diruzainordea: Santiago Lorenzo

-Batzordekideak: Graciela Cabeytu, Javier Darnay, Sandra Lartigue, Daniel Arce, Walter Aguero, María Sonia Rodríguez Mendoza

-Kontu Ikaskatze Batzordea: Julio Vicente Esnaola, José Lorea y Encaje, Mario Alberto Lorenzo

-Kanpo Harremanak: Edith 'Titi' Otazu