euskalkultura.eus

Buenos Aires, Argentina. Liburuari buruzko iruzkina eskatuta argitaletxetik adierazi dutenez, "Euskal NAazio Askapen Mugimendua erakunde multzo konplexu eta anitza da eta  Europar Batasunean pisua duten bi estatuen --Espainia eta Frantzia-- kontrako borrokan erresistentzian den nazionalismoaren mutur-muturreko bertsioa da. Bere jardunak eta ondorioek hamaika lerroburu eman dizkiote mundu osoko prentsari, horiek direlarik Euskal Herri kanpotik gaia ikertzeko iturri nagusia (eta ez oso sinesgarria). Horregatik, liburu honek ENAMa hartzen du aztergai, gatazka hau ikerketa etniko eta nazionalistetan erabili ohi diren kontzeptu-koordenatuetan aztertzeko".

Leandro Etchichury antropologoa da, Buenos Airesko Unibertsitatean (UNA) graduatua. 2004ean 'Poblados bonaerenses. Vida y milagros' liburua eman zuen argitara eta 'Núcleo Argentino de Antropología Rural' taldeko kide da, Olavarria Ikerlan Antropologikoen Institutuko kide eta Lapridako Euskal Kultura eta Abertzaletasunaren Ikasguneko kide. Eusko Ikaskuntzaren 'Aditua Euskal Ikasketetan' graduondokoa egina du, 'Irudiaren hizkuntza eta ezagutza antropologikoa' tailerreko partaide izan zen eta gaiari buruzko beste zenbait mintegietan parte hartu izan du.