Kanpo Harremanetarako idazkariak eta Euskadiko Ordezkari berriak Txile bisitatuko dute datorren astean

2010/03/10

Guillermo Echenique, Jaurlaritzako Kanpo Harremenetarako idazkari nagusia (ezker) eta Ana Uruchuegui, Euskadiren Ordezkaria Txilen eta Perun.

PUBLIZITATEA

Eusko Jaurlaritzako Kanpo Harremanetarako idazkari nagusi Guillermo Echeniquek eta Euskadiren Txileko Ordezkari berria den Ana Urchueguiak bisita egingo dute Txilera datorren astelehenetik aurrera, Jaurlaritza lurrikarrak eragin dituen kaltetuekin gauzatzen ari den elkartasun neurrien baitan. Echeniquek EuskalKultura.com-i telefonoz adierazi dionez, lurrikara gertatu eta ia behehala lortu zuen Jaurlaritzak Txileko euskal gizataldearekin kontaktatzea, batetik, eta bertako agintariekin, bestetik, bigarren kasu honetan euskaldunen laguntza eskaintza egiteko. Nafarroako Gobernuak, bere aldetik, hogei mila euroko laguntza onartu zuen joan den astelehenean, larrialdiko laguntza gisa, Txileko Nafar Etxea bideratzaile.

Donostia-San Sebastian. Jaurlaritzako Kanpo Harremanetarako idazkari nagusiak, Guillermo Echeniquek, eta Euskadiren Txileko Ordezkari berriak, Ana Urchueguiak, bisita hasiko dute datorren astelehenetik aurrera, lurrikara eta gero herrialdeak eta bertako biztanleek bizi duten egoeraren berri zuzena eskuratzearren, eta aldi berean Urchueguia behin betiko karguratzen denean landu beharko duen euskal eta txiletar errealitatea ezagut ditzan. Izan ere, Urchueguia, lehenengo kontaktu hau eta gero, atzera euskadiratuko da eta solilik ondoren aldatuko da Txilera bizitzera eta Euskadiko Ordezkari lanetan hastera. Horretarako, Txileko agintariekin, euskal etxe eta komunitatekokideekin eta baita beste elkarte batzuekin ere, hala nola Emprebask.

Echeniquek telefono bidez EuskalKultura.com-i esan dionez, lurrikararen berri izan bezain pronto hasi zen lanean Jaurlaritza. Bera jarri zen, hain zuzen, harreman zuzenetan Txileko Krisi Kabinetearekin, bertatik eskainitako laguntza eskertu eta onartu egin zitzaion, aipatuz Euskadi gogoan izango zutela herrialdea berreraikitzeko ahaleginaren garaian, eta momentuan ez zutela botika, elikagai eta arropa bidaltzerik behar.

Eusko Jaurlaritzari eskatuko zaion laguntza, beraz, herrialde europarrei eskatuko zaien ildo berekoa da: azpiegiturak , etxebizitzak...

Lurrikarak eta haren ondorioek euskal gizataldean kalterik sortu ote duten galdetutakoan, Kanpo Harremanetarako idazkari nagusiak...