euskalkultura.eus

euskal diaspora eta kultura

Albisteak rss

Julian Celaya Diasporako zuzendaria Medellingo eta Bogotako EEetan izan da Kolonbiara egin berri duen bidaian

2012/03/30

Iñaki Martinez ordezkaria eta Julian Celaya Diasporako zuzendaria omenduetako batekin (argazkia Irekia)
Iñaki Martinez ordezkaria eta Julian Celaya Diasporako zuzendaria omenduetako batekin (argazkia Irekia)

PUBLIZITATEA

Julian Celaya, Eusko Jaurlaritzako Euskal Herritar eta Gizataldeentzako zuzendaria, Kolonbian izan da aste honetan eta bertako euskaldunekin biltzeko baliatu du bidaia. Celaya Bogotako euskal etxean eta Medellingo Luis Miguel Zulategui euskal etxean izan da, Iñaki Martinez Jaurlaritzaren Kolonbia, Venezuela eta Ertamerikarako ordezkaria lagun. Medellingo euskal elkartean omenaldi hunkigarria egin zieten Antioquia departamentuko euskaldun beteranoei.

Bogota, Kolonbia. Eusko Jaurlaritzak eta Medellingo Luis Miguel de Zulategi Euskal Etxeak antolatuta, omenaldi hunkigarria jaso dute Antioquiako euskaldun beteranoek martxoaren 28an. Ekitaldian partaide izan dira Julian Celaya, Eusko Jaurlaritzaren Euskal Herritarrentzako eta  Gizataldeentzako zuzendaria, eta Iñaki Martinez, Euskadiren ordezkaria Kolonbian, Venezuelan eta Ertamerikan.

Omenduak hamabi lagun izan ziren, aspalditik Kolonbian bizi diren euskal gizon-emakumeak; eta ekitaldira bildu zirenei zirrara eragitea lortu zuten, herrialde honetara nola heldu ziren kontatu eta euren hasierak gogora ekarri zituztenean. Ignacio Izaguirre eta Libe de Zulategui euskal etxeko lehendakari-lehendakariordea izan ziren ekitaldiko aurkezleak eta, ondoren, bazkari bat egin zen elkartearen egoitza gisa erabiltzen den Zulateguiren galerian.

Medellín Homenaje Veteranos 2012 (2)

[Eusko Jaurlaritzaren ordezkariak eta Medellingo Euskal Etxeko omenduak (argazkia Irekia)]

Medellín Homenaje Veteranos 2012 (3)

[Luis Miguel de Zulategi Euskal Etxeko kide batzuk ekitaldian (argazkia Irekia)]

Kolonbiar bira osatuz, Julian Celaya eta Iñaki Martinez ordezkaria Bogotako Euskal Etxean izan ziren eta elkarteko zuzendaritzarekin bildu ziren.

Bogotá Visita Julián Celaya 2012

[Julian Celaya eta Iñaki Martinez Bogotako Euskal Etxeko kideekin (argazkia Irekia)]

Euskal Etxeko presidenteorde Jose Vicente Katarain izan zen Bogotako zuzendaritzaren buru. Bilera honetan elkarteak aurten egingo dituen zenbait ekitaldi eta egitasmori buruz hitz egin zuten eta ondoren bazkari batekin bukatu zen bisita.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia